Olar «Et ónimderi» JShS, «AK Kazyna» JShS, «RAH Ońtústik» JShS, «Jabaǵyly Qus» JShS, «Arsen As» JShS, «Ferrum Construction» JShS jáne «Túlkibas Temir» JShS.
Budan ózge, aýdanǵa bıyl 17,9 mlrd teńgege ınvestısııa tartý kózdelip otyr. Onyń ishinde, kásipkerlik salasynda – 13 mlrd 195 mln teńge, aýylsharýashylyǵy salasynda – 350 mln teńge, qurylys salasynda – 1 mlrd. 468,4 mln teńge, áleýmettik salada – 2 mlrd 49,3 mln teńge, turǵyn úı kommýnaldyq sharýashylyq salada – 837,4 mln teńge.
Týrızmdi damytý maqsatynda aýdanda 2019 jyly jalpy quny 1 mlrd 336 mln. teńgeni quraıtyn 5 nysandy iske qosý josparlanyp otyr. «Batys Eýropa – Batys Qytaı» jol boıynda qazirgi tańda iri 3 jobanyń qurylysy júrýde. Olar «Qurylys» JShS jol boıy qyzmet kórsetý ortalyǵy, jobanyń jalpy quny – 346 mln teńge syıymdylyǵy – 100 oryn, onda jańadan 25 jumys orny ashylady. «Shuqyrbulaq» jol boıy qyzmet kórsetý ortalyǵy, jobanyń jalpy quny – 150 mln teńge syıymdylyǵy – 50 oryn, jańadan 12 jumys orny ashylatyn bolady. «Shaqpaq» jol boıy qyzmet kórsetý ortalyǵyn qaıta qurylymdaý, jobanyń jalpy quny – 76 mln teńge, syıymdylyǵy – 30 oryn, jańadan 10 jumys orny ashylady.
Sonymen qatar, aýdanda tabıǵı emdik týrızmdi damytý maqsatynda bıyl syıymdylyǵy 70 oryndyq «Etno Park» qurý jobasy qolǵa alynady. Jobanyń jalpy quny – 417 mln teńge, janadan 30 adamǵa jumys orny ashylady. Sondaı-aq, «Jaılaý» emdeý saýyqtyrý ortalyǵy Jobanyń jalpy quny – 347 mln teńge, syıymdylyǵy – 100 oryn, keshen 50 adamdy jumyspen qamtymaq.
Aıta keterligi, Túlkibas aýdany taýly aımaqta ornalasqandyqtan alma baý sharýashylyǵyn damytýǵa óte qolaıly. 2019-2025 jaldarǵa arnalǵan damý baǵdarlamasyna sáıkes, alma baý kólemin 5885 gektarǵa jetkizip, almany Túlkibas aýdanynyń brendine aınaldyrý maqsaty qoıylǵan. Memleket tarapynan kórsetilgen qoldaýdyń nátıjesinde 2007-2018 jyldar aralyǵynda 1634 ga jerge alma baýy otyrǵyzyldy. 2019 -2025 jyldary qosymsha 2450 ga jerge joǵary ónim beretin alma sorttaryn (Golden Delıshes, Semırenko, Melba, Reddelıshes) otyrǵyzý josparlanýda, onyń ishinde 2019 jylǵa jospar – 200 ga.
Aýdanda mal bordaqylaý alańdaryn ashý boıynsha 2019-2020 jyldar aralyǵynda óńirde óndiriletin et kólemin 21,1 myń tonnaǵa jetkizý josparlanyp otyr. Sondaı-aq, sút qabyldaý beketteriniń qýattylyǵyn arttyrýda aýdan kóleminde 13 sút qabyldaý beketteri «Maılykent sút» JShS jáne «Fýd master» AQ kelisim shartpen táýligine 24 tonna sút ótkizýde. 2019-2020 jyldary 6 sút qabyldaý beketterin iske qosyp, táýligine qosymsha 9600 lıtr sút qabyldaý kózdelgen.
