Ańdarǵa arasha
Seısenbi, 22 qańtar 2013 7:05
Keń dalada emin-erkin ruqsatsyz ań aýlap, aramza oılaryn iske asyryp júrgen alaıaq top ustaldy. Olar aqbókenderdi qyryp salǵan. Kaztalov aýdanynyń Saryqudyq aýyly mańynda qaraqshylar mingen kólikti toqtatyp, teksergen kezde birneshe aqbókenniń eti jáne kesilgen múıizderi tabyldy. Sonymen birge, ańshy myltyǵy oǵymen tárkilenip alyndy.
Dala erkesi – aqbókenderdi aıaýsyz qyryp, múıizderin alypsatarlarǵa aqshaǵa aıyrbastap júrgen eki aýyl turǵyny eken. Ekeýi de Kaztalov aýdandyq ishki ister bóliminiń ýaqytsha ustaý oqshaýlaǵyshyna qamaldy. Olardyń ústinen QK-niń 288-baby boıynsha qylmystyq is qozǵaldy.
Alaıda, oblys aýmaǵynda ruqsatsyz ań aýlaý oqıǵasy báseńdemeı otyr.
Fatıholla MAShTAHOV,
Batys Qazaqstan oblystyq
ishki ister departamentiniń qyzmetkeri.
