Aqtaýda – kúz…
Beısenbi, 31 qańtar 2013 7:29
Tabıǵattyń sheberligine shúbá joq. Elimizdiń soltústik, ońtústik bólikteri qaqaǵan qys qursaýynda qalyp, daýylmen jaǵalasyp, endi biri erigen qar sýyn qonyshynan keship júrgende… Aqtaý sylbyr jaýynnan jelek jamylǵandaı bolyp tur.
Beısenbi, 31 qańtar 2013 7:29
Tabıǵattyń sheberligine shúbá joq. Elimizdiń soltústik, ońtústik bólikteri qaqaǵan qys qursaýynda qalyp, daýylmen jaǵalasyp, endi biri erigen qar sýyn qonyshynan keship júrgende… Aqtaý sylbyr jaýynnan jelek jamylǵandaı bolyp tur.
«Qylyshyn súıretip» qys kelgeli qashan?.. Jańa jyldy qarsyz qarsy alǵan aqtaýlyqtar bıyl aq ulpany bir-aq ret kórdi. Biraq o da kóp baıyrqaǵan joq, bir-eki kúnnen soń sýǵa aınalyp, saı-salany qýalap aǵa jóneldi.
Qystyń kelgenin tek kók teńiz betinde qalqı júzip, kóńili áldenege qobaljyǵandaı nemese qar jaýmaǵanǵa qońyltaqsyǵandaı jaǵaǵa jaqyndaýy sırek appaq aqqýlarǵa qarap moıyndaısyń. Ara-tura bet shymshyr aıaz bolsa, qymtanyp alatyn aqtaýlyqtar jeńil kıimmen-aq qysty ótkerýde.
Áıtse de, ár nárseniń óz ýaqyty bar. Mezgilinde qar jaýǵanǵa ne jetsin? Basqany aıtpaǵanda, aıazy qatty Aqtóbemen shektesetin Beıneý betiniń aýa raıy aqtaýlyqtar úshin tań. Jasyratyny joq, qarym-qatynasqa, sharýashylyqqa qıyn ekendigin bile tura, keıde aq tútek ishinde arpalysqan soltústiktegi aǵaıyndarǵa qyzyǵa qaraıtynymyz da bar. Tipti, osy baǵytymen kete berse, jer aıaǵy bosap, kóktem kelgen soń, shóp shyqpaı, jer jutań bola ma dep ýaıymdaıtyndar da joq emes.
Aq qaryń qaıda, qys? Qarǵa malynǵan kórkińdi qashan kóremiz, Aqtaý?
…Kóshede qıyrshyqtalǵan usaq qar qıqalap jaýyp tur. Tynysty keńeıtip, aınalany tazartar aq qardyń bastamasy ma, álde jerge túsisimen erip joǵalyp, aıaz tursa aıaq alyp júrýdi muńǵa aınaldyryp kók taıǵaqqa aınalatyn aldamshy qar ma, bilmeımiz…
Gúlaıym ShYNTEMIRQYZY,
«Egemen Qazaqstan».
AQTAÝ.
