Senat Tóraǵasy D.Nazarbaeva M.Peıchınovıch-Býrıchtiń Qazaqstanǵa alǵashqy resmı saparymen eki jaqty qarym-qatynastyń jańa paraǵy ashylatynyna senim bildirdi. «Biz Horvatııany Qazaqstannyń Balqandaǵy mańyzdy ári keleshegi zor seriktes retinde qarastyramyz jáne barlyq salalar men barlyq deńgeılerde ózara is-qımyldy damytýǵa múddelimiz», dedi ol.
Taraptar parlamentaralyq baılanystardy nyǵaıtýdyń keleshegin talqylady. Senat basshysy horvat depýtattaryn Qazaqstanǵa saparmen kelýge shaqyrdy. Parlament delegasııalarynyń saparlary bizdiń saıası únqatysýymyzdy keńeıtýmen qatar, ózara is-qımyldyń barlyq salalary boıynsha ekijaqty qarym-qatynastardy ilgeriletýge múmkindik beredi.
Joǵarǵy palata basshysy yntymaqtastyqtyń aýyl sharýashylyǵy, týrızm, aqparattyq tehnologııalar, densaýlyq saqtaý sekildi bolashaǵy zor baǵyttaryn atap óte kelip, «Horvatııanyń ozyq tehnologııalar men servıstik sektorlarmen qosa aýyl sharýashylyǵy tájirıbesi bizdi erekshe qyzyqtyrady», dedi. Sondaı-aq Qazaqstandaǵy densaýlyq saqtaý salasyndaǵy, atap aıtqanda, múmkindigi shekteýli adamdarǵa arnalǵan protezder jasaý jónindegi birlesken kásiporyndar sanyn ulǵaıtý qajettigi atap ótildi. Senat Tóraǵasynyń taǵy bir usynysy – Qazaqstan azamattaryna Horvatııaǵa vızasyz barý máselesin pysyqtaý boldy.
Horvatııa syrtqy saıasat mekemesiniń basshysy Nur-Sultan qalasynda óz eliniń elshiliginiń ashylǵany týraly habardar etti. Ol Elbasynyń 2000-shy jyldardyń basynda Horvatııaǵa sapary týraly jyly shyraıly estelikterimen bólisip, Qazaqstan-Horvat qatynastaryn damytýǵa jáne Qazaqstandy órkendetý jáne turaqtylyǵyn qamtamasyz etýge qosqan úlesin joǵary baǵalady.
