Sońǵy jyldary múmkindigi shekteýli azamattarǵa memleket tarapynan barynsha kóńil bólinip keledi. Ásirese, múmkindigi shekteýli azamattardyń saılaýlarda daýys berýine bar jaǵdaı qarastyrylýda.
Elimizdiń Tuńǵysh Prezıdenti – Elbasy N.Nazarbaev múmkindigi shekteýli jandarǵa qamqorlyq jasaýdy, eńbekke aralastyrýdy únemi nazarda ustaıtyndyǵy belgili. Osyndaı qoldaý negizinde Sekseýil kentinde 2016 jyly qoǵamdyq keńes qurylyp, ol 2018 jyly 16 sáýirde zańdy túrde tirkelip, jumystar júrgizilip keledi. Sporttyń birneshe túrinen jarystarǵa qatysyp kelemiz. Oblystyq kóktemgi, kúzgi saıystarda toǵyzqumalaqtan II top múgedegi Turar Qabylov jeńiske jetip, respýblıkalyq jarysqa joldama alyp, sport sheberine úmitker ataǵyna ıe boldy. Shahmattan, doıbydan oblys birinshiliginde II top múgedekteri Rıta Júsipova jáne Ásem Júsipova jeńiske jetti. II top múgedegi, zeınetker Orynbasar Boranǵazıev tennısten III orynǵa ıe boldy. II top múgedegi Rýslan Aıtbaev júgirýden II oryndy ıelendi. Múmkindigi shekteýli jandardyń jumys kúnderi arnaıy zalǵa kelip shahmat, doıby, domıno jáne toǵyzqumalaq oınaýyna jaǵdaı jasaldy. Osy úshin de kent ákimshiligine jáne ardagerler keńesine alǵys aıtamyn. Osyndaı jetistikterge jetýimizge tikeleı yqpal etken oblystyq máslıhat depýtaty Qadirbergen Beder, meshit ımamy Alpamys Izbasqanov, stansa bastyǵy Saparǵalı Salmaev, lokomotıvti paıdalaný deposynyń bastyǵy Seıilhan Erjanov, lokomotıv qozǵalys qaýipsizdiginiń bas mamany Erkebulan Aıaǵanov, temir jol jóndeýshileriniń bastyǵy Májıt Qurmanbaev jáne jelilik polısııa maıory Ánýar Beknııazov syndy azamattarǵa rızashylyǵymyz sheksiz. Nur Otan partııasy aýdandyq fılıaly tóraǵasynyń birinshi orynbasary Talǵat Qanatov, aýdandyq zaǵıptar qoǵamynyń tóraǵasy Ermek О́teshov jáne oblystyq múgedekter qoǵamynyń tóraǵasy Murat Jumadildaev ta bizdiń ár bastamamyzǵa qoldaý tanytyp, qanattandyryp keledi.
Jolmyrza MYRZAǴULOV,
Sekseýil kenti múgedekter qoǵamynyń tóraǵasy
Qyzylorda oblysy
