Bul jaýapty mindetti «Zańgerler – ádil saılaý úshin» respýblıkalyq qoǵamdyq birlestigi atqarady.
– Biz saılaý úderisi jaıly túsinikter berýmen qatar, bul turǵydaǵy zańsyz áreketterge shaǵymdaný tártibi boıynsha aqyl-keńes berip otyramyz. Respýblıkalyq uıymǵa búginde úsh myńdaı zańger múshe, – dedi jýrnalıstermen kezdesýde Qazaqstan Zańgerler odaǵynyń tóraǵasy Serik Aqylbaı.
Onyń aıtýynsha, qoǵamdyq birlestik múshelerinen kez kelgen adam keńes surap, júgine alady. Mundaı múmkindik prezıdenttikten úmitkerlerge de berilgen.
Al zań ǵylymdarynyń doktory Marat Sársembaev prezıdenttikten úmitkerlerdiń árkelkiligine toqtaldy.
– Biz kandıdattardyń árkelkiligine kóz jetkizip otyrmyz. Olardyń arasynda áıel adam da bar. Bul – Ortalyq saılaý komıssııasynyń saılaýǵa obektıvti qaraýynyń jáne ádiletsizdikke jol bermeýiniń belgisi. Is jaqsy bastaldy – biz eshqandaı zań buzýshylyqtardy kórip otyrǵanymyz joq, – dedi M.Sársembaev.
Atap óterligi, «Zańgerler – ádil saılaý úshin» respýblıkalyq qoǵamdyq birlestigi saılaý barysyndaǵy zańsyz áreketterge monıtorıng jasaý maqsatynda arnaıy qurylǵan.
