Aımaqtar • 02 Mamyr, 2019

Oralda kópbalaly 10 otbasy páterli boldy

815 ret kórsetildi

1 mamyr - Qazaqstan halqynyń birligi kúni Oral qalasynda bir top kópbalaly otbasy jańa páterge ıe boldy. Ony oral qalasynyń ákimi Murat Muqaev tabys etti.

Qala ákiminiń aıtýynsha, bıyl Oral shaharynda kópbalaly otbasylarǵa 70 páter tapsyrylmaq. Bul Elbasynyń kópbalaly, turmysy tómen otbasylarǵa kómektesý týraly tapsyrmasy aıasynda oryndalyp otyr.

- Turǵyndardyń turmys sapasyn arttyrý, halyqty baspanamen qamtý baǵytyndaǵy sharalardy júıeli júrgizip kelemiz. Bıyl oblys ortalyǵynda 432 páterlik eki úıdiń qurylysy aıaqtalyp, turǵynúı kezeginde turǵan otbasylarǵa tapsyrylady. Odan bólek, jalpy sany 500 páterlik úsh kópqabatty úıdiń qurylysy bastalmaq. Jalpy alǵanda qalada qoǵamnyń álsiz toptaryna arnalǵan 1000 páterdiń qurylysy júrýde. Bul jumys toqtamaıdy, - dedi óz sózinde Oral qalasynyń ákimi.

Bul kúni úsh bólmeli páterge ıe bolǵan Bolǵan Aıtqalıevanyń qýanyshynda shek joq. «Altyn alqaly» ana páter kezeginde 17 jyl turypty. «Oral polımer» JShS salǵan jańa úıdiń sapasyna turǵyndar rıza.

- Bizdiń de otbasymyzda 4 bala bar. Búgin ózimizdiń basybaıly baspanamyz bolǵanyn oılasam, qýanyshymdy sózben aıtyp jetkize almaspyn. Jańa páterimiz óte ádemi, keń, kirse shyqqysyz eken. Biz bul kúndi 15 jyl kúttik qoı, - deıdi taǵy bir qýanyshty ana Almagúl Malaeva.

Sońǵy jańalyqtar

«Omıkron» «Toıotany» qyspaqqa aldy

Tehnologııa • Búgin, 14:00

Bir kúnde 3907 adam koronavırýstan aıyqty

Koronavırýs • Búgin, 09:45

15169 adam koronavırýs juqtyrdy

Koronavırýs • Búgin, 09:17

Uqsas jańalyqtar