О́z sózinde aýdan ákimi: «Qazaqstan halqynyń birligi merekesi búgingi tańda beıbit ómir men yntymaqta turmys keship otyrǵan el turǵyndary úshin ystyq yqylas pen dostyq nıettiń dástúri, asyǵa kúter meıramy. Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń dástúrli Joldaýlarynyń birinde qıyndyq ataýlyny jeńetin bir-aq kúsh bar, ol – birlik. Elińdi, jerińdi qorǵaý úshin birlik qanshalyqty qajet bolsa, táýelsizdik jemisterin, búgingi qol jetken tabystarymyzdy saqtap qalý úshin de birliktiń qajet ekendigin erekshe atap kórsetip keledi. Birlik, tatýlyq, yntymaq, dostyq – bul táýelsiz elimizdiń basty qundylyqtary. Baǵyndyrǵan belesterimiz ben jetken jetistikterimiz ultaralyq aýyzbirlik pen shynaıy túsinistiktiń, eń bastysy Qazaqstanǵa ǵana tán salıqaly saıasattyń jemisi», dedi.
Merekelik shara barysynda tatýlyqty tý etken ár etnos ókilderi quttyqtaý sóz sóılep, 40 dombyrashy áserli kúıden shashý shashsa, jastar jylyna oraı aýdan jastary arnaıy fleshmob uıymdastyrdy. «Uly dalanyń jeti qyry» kompozısııasy kópshilik kóńilinen shyqsa, hor ujymynyń oryndaýyndaǵy uly sazger Shámshi Qaldaıaqovtyń «Shalqyǵan Sháýildir» ánin merekege jınalǵan jurtshylyq qosyla shyrqady. Aýdandandaǵy mekeme qyzmetkerleri is-sharany sherýmen jalǵastyrsa, túrli ulttar men ulystardyń ulttyq kıimderin kıgen mektep oqýshylary óz ónerlerin pash etti.
