Polısııa departamentiniń baspasóz ortalyǵy taratqan málimet boıynsha olja ishinen eki uńǵyly qosaýyz myltyq pen nagan tapanshasy shyqqan. Sóz arasynda «altyatar» retinde el-jurtqa máshhúr revolver 1930 jyldary qoldanysqa berilip, uzaq ýaqyt boıynda keńes mılısıonerleri paıdalanǵanyn aıta ketken jón. Qarýlardy ótkizgen adamǵa 130 myń teńge kóleminde syıaqy berilýi múmkin.
Búginge deıin barlyǵy 80 qarý tapsyrylyp, 4,5 mıllıon teńge mólsherinde esep aıyrysqan. Soltústikqazaqstandyqtar tapsyrǵan qarýlardyń basym bóligi– tegis uńǵyly, ıir oıyqty.
«Aksııanyń maqsaty - buryn qarý-jaraǵy bar jáne ony osy ýaqytqa deıin saqtap kelgen adamdar óz erkimen ótkizse, jaýapkershilikke tartylmaıdy. Eń bastysy, qandaı da bir qylmysqa qatysy bolmaýy, qylmystyq maqsatta qoldanylmaýy kerek», deıdi ákimshilik polısııa basqarmasynyń bastyǵy Jasulan Ospanov.
