Kórme jumysyna Premer-Mınıstrdiń birinshi orynbasary – Qarjy mınıstri Álıhan Smaıylov, qala ákimi Baqyt Sultanov, «Damý» Qorynyń Basqarma tóraıymy Gaýhar Bóribaeva, sarapshylar, halyqaralyq uıym, qarjy ınstıtýttary ókilderi men Qazaqstannyń barlyq óńirinen kelgen 500-den astam kompanııa qatysady.
«Kórme barysynda qazaqstandyq jáne sheteldik mamandardyń sheberlik sabaqtary; sheteldik áriptester men halyqaralyq qarjy ınstıtýttarynyń qatysýymen B2B kezdesýler ótedi. Ásirese, sheteldik áriptesterdiń óndiriske jańa tehnologııalar engizý jónindegi aldyńǵy qatarly tájirıbesi qyzyqty. Sonymen qatar, sońǵy ýaqytta aqparattyq sánge aınalǵan reıtıng/skorıng úlgiler, sýbsıdııa men kepildik berý mehanızmderi, bıznes prosesterdi avtomattandyrýdaǵy tehnologııalyq sheshimder, apeks mehanızmderi, ótinimdi qarastyryp, qyzmet kórsetý júıeleri de nazar aýdararlyq. Qazaqstan eksportyn nasıhattaý barysyndaǵy kontráriptesterdiń tutynýshylyq qabiletteri de mańyzyn joımaǵan. «Islam qarjysy: Qazaqstandaǵy ShOB damýynyń balama baǵyty» jáne EY Poland «Startaptar ekojúıesi – Qazaqstan ekonomıkasynyń jańa qozǵaýshy kúshi» atty semınarlar ótedi», – dep málimdedi «Damý» qorynyń baspasóz qyzmeti.
Kórmege qatysýshylardyń arasynda «Halyq tańdaýy» atty degýstasııa baıqaýy men jeńimpazdardy anyqtaý ótedi.
