Bıyl Reseı qalasynda 53-shi ret ótken halyqaralyq Mendeleev olımpıadasyna 30-ǵa jýyq elden 150-den astam joǵary synyp oqýshylary qatysyp, bilim jarystyrdy. Hımııa pániniń bilgirleri saıysyna baǵyn synaýǵa Aıdyn da bardy.
«Jyl saıyn tapsyrmalar kúrdelenip keledi. Men bolashaǵymdy osy salamen baılanystyrǵym keledi. Bul pán kóptegen ǵylymdarǵa jol ashady», deıdi halyqaralyq bedeldi dodada ekinshi orynǵa taban tiregen kúmis júldeger.
Aıdyn bıyl mektep bitiredi, «Altyn belgiden» úmitker. Osyǵan deıin oblystyq, respýblıkalyq, halyqaralyq olımpıadalarda júldeli oryndardy enshilegen.
Hımııa-bıologııa baǵytyndaǵy Nazarbaev zııatkerlik mektebi dırektorynyń ǵylymı-ádistemelik jumystar jónindegi orynbasary Baýyrjan Túlenovtyń aıtýyna qaraǵanda, Aıdyn olımpıadalyq qozǵalystardaǵy jetistikterin sońǵy jyldary joǵary deńgeıde baıqata bastaǵan. Oǵan eńbekqorlyq, izdenimpazdyq, maqsatkerlik qasıetter tán.
