Otandastar qory men Dúnıejúzilik qazaqtar qaýymdastyǵynyń uıymdastyrýmen L.N. Gýmılev atyndaǵy Eýrazııa ulttyq ýnıversıtetinde shetelderden kelip, oqyp jatqan qazaq dıasporasynyń stýdent jastarymen kezdesý ótti. Mońǵolııa, Qytaı, О́zbekstan jáne basqa da shet elderden kelgen qazaq dıasporasynyń stýdent jastary yqtııar hat, azamattyq alý, oqýǵa túsý múmkindikteri, memlekettik kvotalardy paıdalanýy jáne taǵy da basqa máselelerdi ortaǵa saldy.
Qazaqstanda daıyndyq kýrstary, bakalavrıat jáne magıstratýrada oqyp júrgen shet elderden kelgen qazaq dıasporasynyń jastary Qazaqstan Respýblıkasynyń azamattyǵyn alyp, elimizdiń ósip órkendeýine ózindik úlesin qosýǵa daıyn ekendigin jetkizdi. Búgingi kúni Qazaqstanda shet elderden kelip, 18 joǵary oqý oryndarynda 992 qazaq dıasporasynyń jastary daıarlyq kýrstarynda oqyp jatyr.
Kezdesý barysynda oralman mártebesin jáne azamattyq alýǵa qajet qujattardy jınaýda týyndaıtyn máseleler keńinen talqylanyp, olardyń sheshý joldary qarastyryldy. Sondaı aq, memlekettik qyzmetterdi alý úshin suratylatyn qujattardyń bekitilgen tizimine ózgerister engizý, stýdentterdiń turaqty meken jaı boıynsha tirkelýi, azammattyq alýǵa jeńildetilgen tártippen qujat tapsyrý jáne taǵy da basqa suraqtar kóterilip, tıisti sala mamandarynyń jaýaptary berildi.
Kezdesýge QR Ishki ister mınıstrligi Kóshi-qon komıtetiniń Erekshe tapsyrmalar jónindegi aǵa ınspektor Gúlmıra Álıaıdarqyzy, QR Eńbek jáne halyqty áleýmettik qorǵaý mınıstrligi Kóshi-qon prosesterin monıtorıngileý basqarmasynyń basshysy Aıtqulov Dastan, QR Bilim jáne ǵylym mınıstrligi Joǵary jáne joǵary oqý ornynan keıingi bilim departamentiniń ókili Zaılashova Gúldana, QR Syrtqy ister mınıstrligi Konsýldyq qyzmet departamenti Kórsetilgen memlekettik qyzmetterdiń sapasyna baqylaý men monıtorıng júrgizý jáne saraptaý basqarmasynyń basshysy Kúzetbaev Marǵulan, L.N. Gýmılev atyndaǵy Eýrazııa ulttyq ýnıversıtetiniń prorektory Dıhan Qamzabekuly, «Halyqaralyq baǵdarlamalar ortalyǵy» AQ, Otandastar qory men Dúnıejúzilik qazaqtar qaýymdastyǵynyń ókilderi qatysty.
Jastardyń ortaǵa salǵan barlyq suraqtaryna qatysty múddeli memlekettik organdar men uıymdar mamandary tarapynan tushymdy jaýaptar berilip, osyndaı bas qosýlardy jıi ótkizýge ýaǵdalasty
