Memlekettik baǵdarlamalar arqyly turǵyn úı alý, ámbebap bilim berý aıasynda kómek kórsetý, kópbalaly analardyń iskerlik bastamalaryna qoldaý kórsetý jáne kópbalaly otbasylardan shyqqan balalarǵa shyǵarmashylyq baıqaýlar men sport jarystaryna qatysý úshin qarjylyq qoldaý kórsetý máseleleri kóterildi.
Kezdesýge qatysýshylardyń biri - «Altyn alqa» ıesi kópbalaly otbasylardan shyqqan daryndy balalarǵa qarjylaı kómek kórsetý múmkindigin surady.
Meniń joldasym – qazaq, men – ýkraınmyn. Biz toǵyz balany qazaqstandyq patrıotızm rýhynda tárbıelep otyrmyz. Qazaq halqynyń ulttyq dástúrleriniń negizinde adal, ımandy, bilimdi Qazaqstan azamattaryn tárbıeleýge tyrysamyz. Bizdiń balalar shyǵarmashylyqpen aınalysady jáne belgili jetistikterge de jetýde. Bizdiń otbasymyzda ulttyq jáne halyqaralyq mýzykalyq baıqaýlardyń laýreattary, sporttyq jarystardyń jeńimpazdary bar. Sonyń ishinde álemdik deńgeıdegi jeńimpazdar bar. Osyǵan baılanysty mende mynadaı suraq týyndaıdy: bizdiń balalarymyzdyń jol saparlaryn tóleýge memleketten qarjylaı kómek alý múmkin be? Otbasylyq bıýdjetten árqashan osyndaı qarjy bóle berý qıyn», – dedi kópbalaly ana qala ákimine.
Baqyt Sultanovtyń aıtýynsha, talantty balalardy qoldaýǵa ákimdik demeýshilerdi tartady.
«Kópbalaly analarǵa kómektesetin birneshe qor quryldy. Sizdiń suranysyńyzdy qarastyramyz», – dedi ákim.
Taǵy bir kópbalaly ana bıznes-bastamalardy júzege asyrý kezinde memleket tarapynan qandaı qoldaýdyń baryn surady.
«Men jumyspen qamtý ortalyǵynyń kómegimen tiginshilik kýrstarynan óttim. Men shaǵyn tigin sheberhanasyn ashqym keledi. Men bıznes daǵdylaryn damytý úshin Emın Askerovanyń áleýmettik kásipkerlik baǵdarlamasy boıynsha oqydym. Men «Astana» ÁKK-ne habarlastym, olar «1000 oryn - kóshe saýdasy» baǵdarlamasy boıynsha dúńgirshekti ashý úshin 3 mıllıon teńgeniń kerek ekendigin aıtty. Eger mende mundaı aqsha bolsa, onda men sheberhanany ózim-aq ashpaımyn ba?! Kópbalaly analar bıznes bastamalaryna qandaı qoldaý kórsete alasyzdar? Kóptegen adamdar «1000 oryn - kóshe saýdasy» baǵdarlamasyna qatysqysy keledi. Ásirese, ártúrli aýrýlary bar balalardy tárbıeleıtin áıelderge yńǵaıly bolar edi», – dedi elordalyq turǵyn.
«Biz sizdiń ótinishińizdi eskeremiz», – dedi B. Sultanov.
Sondaı-aq kópbalaly analar eki paıyzdyq jeńildikpen ıpotekalyq nesıeniń qashan berile bastaıtyndyǵyna, keıbir jaǵdaılarda AÁK-tiń ne sebepti berilmeıtindigine, balalardy qoldaýǵa, balalarǵa beriletin járdemaqy «Turǵyn úı qurylys jınaq banki» arqyly páterdi alý úshin ne sebepti eskerilmeıtindigine qatysty suraqtardy qoıdy.
Jınalys barysynda kóterilgen suraqtardyń barlyǵyna túsiniktemeler berildi.
