6-13 mamyr kúnderi Qytaıdyń Mao-Mın qalasynda jaǵajaı voleıbolynan Azııa chempıonatynyń jeńimpazdary men júldegerleri anyqtalady. Bapkerler keńesi qurlyq synyna qatysatyn Qazaqstan sportshylarynyń esimin atady dep habarlaıdy Olympic.kz.
Erler arasynda Aleksandr Dıachenko men Alekseı Sıdorenko jáne Dmıtrıı Iаkovlev pen Sergeı Bogatý juby baq synaıdy.
Qyzdar arasynda Tatıana Mashkova men Irına Sımbalovaǵa senim artamyz.
Áıelder komandasynyń bas bapkeri Vladımır Kýshtalovtyń aıtýynsha, Sımbalova men Mashkova juby avstralııalyq keńesshiniń nusqaýymen daıyndalýda.
«Bizdiń aldymyzdaǵy eń negizgi mindet – Azııa chempıonatynda joǵary nátıje kórsetý. Birinshilikke daıyndyq kezeńin Almatyda ótkizdik. О́kinishke qaraı, Qytaıǵa baratyn vıza máselesin sheshý úshin sheteldegi jattyǵý jıyndarynan tys qaldyq. Eldegi aýa raıy jattyǵýǵa azdap kedergi keltirýde. Búginde komanda músheleri Avstralııadan kelgen keńesshi bapker Anna Sederbergtiń nusqaýymen daıyndalyp jatyr.
Qurlyq dodasyndaǵy bizdiń qyzdardyń basty qarsylasy – Qytaı, Japonııa, Avstralııa jáne Taıland komandalary. Bıylǵy maýsym bastalysymen aıtarlyqtaı jarysqa qatysyp úlgermedik. Jattyǵý jıyny da kóp ótken joq. Sondyqtan, árbir qarsylas biz úshin qaýipti sanalady.
Bizdegi kún raıynyń sýyqtyǵy da áserin tıgizbeı qoımasy anyq. Degenmen, bar kúshimizdi jınap, Azııa chempıonatynda sátti óner kórsetýge tyrysamyz. Olımpıada lısenzııasyn ıelený úshin aıanyp qalmaý qajet», - deıdi komanda bas bapkeri Vladımır Kýshtalov.
