29 sáýir men 3 mamyr aralyǵynda PD Jergilikti polısııa qyzmeti ákimshilik polısııa basqarmasy, bilim basqarmasy, «SО́S» qalyptastyrý ortalyǵymen birlese otyryp, qaladaǵy jalpy bilim beretin mektepter arasynda jas jol ınspektorlarynyń aýdandyq sletin ótkizýde.
«Qazirgi ýaqytta elordamyzdyń aýmaǵynda polısııa qyzmetkerlerine ár túrli aldyn-alý is-sharalaryn uıymdastyrýǵa kómektesetin jaıaý júrginshilerdiń jol júrý erejelerin saqtaý boıynsha reıdtik is-sharalarǵa qatysatyn 75-ten astam jas jol ınspektorlarynyń jasaǵy nasıhattaý jumystaryn júrgizedi», – delingen Jergilikti polısııa qyzmetiniń habarlamasynda.
Atalmysh is-sharanyń maqsaty – balalar arasyndaǵy jol-kólik jaraqaty máselesi men jol-kólik oqıǵasynyń sanyn barynsha azaıtýǵa qoǵamnyń nazaryn aýdarý.
Slet baǵdarlamasy aıasynda 7 nomınasııa boıynsha kelesi jarystar ótti: «Saptyq baıqaý», «Jol qozǵalysy erejeleriniń bilgirleri», «Velosıpedti mánerlep júrgizý», «Jas retteýshi», «Jas sanıtar», «Úgit-nasıhat brıgadalarynyń konkýrsy», «Erýdıtter týrnıry».
Balalar jol-kólik oqıǵasy kezinde JJE, retteýshilerdiń ym-ısharalaryn, bilýden, alǵashqy medısınalyq kómekti jyldam ári sapaly kórsetýden saıysqa tústi.
