Kombınat Aqtaý qalasy men jaqyn mańdaǵy kentterdiń turǵyndaryn, sondaı-aq, óńirdiń ónerkásiptik kásiporyndaryn aýyz sýmen jáne sharýashylyq sýmen, jylýmen jáne elektr energııasymen jabdyqtaıdy.
Kombınatta búginde 4000-ǵa jýyq jumysshy men mamandar jumys isteıdi. Qazirgi ýaqytta kombınat 600 Mvt-tan astam elektr qýatymen jumys isteý jáne táýligine 60 myń tekshe metrden astam dıstıllıat shyǵarý múmkindigi bar.
Halyq qalaýlylary negizgi basym baǵyttarǵa, onyń ishinde áleýmettik qamsyzdandyrý salasyna basa nazar aýdaryp, azamattardyń ál-aýqatyn jaqsartýǵa erekshe mán berilip kele jatqandyǵyn alǵa tartty.
Ásirese, Tuńǵysh Prezıdentimiz - Elbasy Nursultan Ábishuly Nazarbaevtyń halyqty áleýmettik qoldaý máselerine baǵyttalǵan bastamalaryn zań jaǵynan qoldaý jumystary jóninde keńinen baıandady. Kezdesýde eńbek ujymy halyq qalaýlylaryna óz-usynystaryn bildirip, pikir almasty.
- Barlyǵy biledi, Mańǵystaý – munaıly ólke. Turǵyndardyń basym bóligi munaı salasyna jumysqa turǵysy keledi. Árıne, barlyǵyna birdeı jalaqysy joǵary jumys taýyp berý qıyn. Sol sebepti basqa salalarǵa da kóńil aýdarý qajet, - dedi Májilis depýtaty Sáken О́tebaev.
Odan ári depýtattar basqa da kásiporyndarda bolyp, turǵyndardy jeke suraqtarymen qabyldady.
