2019 jyldyń 26 sáýirinde Beıjińde (QHR) «Bir beldeý - bir jol» ekinshi halyqaralyq yntymaqtastyq forýmynyń saltanatty ashylýy ótti.
Forým aıasynda Qazaqstan Respýblıkasy Qarjy mınıstrligi Memlekettik kirister komıtetiniń tóraǵasy Marat Sultanǵazıev pen QHR Bas keden basqarmasy mınıstriniń orynbasary Lı Go myrza Qazaqstan Respýblıkasy Premer-Mınıstriniń orynbasary Jeńis Qasymbek jáne QHR Bas keden basqarmasynyń mınıstri Nı Iýefen qatysýymen kedendik ákimshiliktendirý salasyndaǵy birqatar serpindi jáne strategııalyq qujattarǵa qol qoıdy.
Kedendik baqylaýdyń tıimdiligin arttyrý jáne Qazaqstan men Qytaı arasyndaǵy ózara saýda statıstıkasyndaǵy sáıkessizdikterdi azaıtý maqsatynda júk týraly tolyq aqparatty onlaın rejıminde alý úshin Qazaqstan Respýblıkasy jáne Qytaı Halyq Respýblıkasynyń kedendik shekaralary arqyly tasymaldanatyn taýarlar men kólik quraldar týraly aldyn-ala aqparat almasý týraly Hattamaǵa qol qoıyldy.
Bul Hattama QHR eksportynyń aldyn-ala derekterin Qazaqstan ımportymen salystyryp, tekserý úderisin avtomattandyrýǵa múmkindik beredi. Ol óz kezeginde jalǵan málimdeý jáne kedendik qundy tómendetý faktilerin anyqtaýdaǵy adam faktoryn barynsha azaıtady.
Budan basqa, taýarlarǵa maǵlumdama nómiri turǵysynda almastyrylatyn aqparattyń keńeıtilgen quramyn eskere otyryp, syrtqy saýda boıynsha kedendik statıstıka salasynda ádistemelik jáne aqparattyq hattamaǵa qol qoıyldy. Ol Qazaqstan men Qytaı arasyndaǵy ózara saýda derekterin salystyrmaly taldaý tıimdiligin arttyrady.
«Eki eldiń keden qyzmetteri taýarlar týraly, sonyń ishinde kedendik qun týraly aqparatty onlaın rejıminde ózara berý týraly kelisti. Bul tarıhı sheshim. Mundaı ózara árekettestiktiń negizgi mindeti kedendik statıstıka arasyndaǵy aıyrmashylyq deńgeıin azaıtý», dedi Qarjy mınıstrligi Memlekettik kirister komıtetiniń tóraǵasy Marat Sultanǵazıev.
Sondaı-aq Qazaqstan men Qytaı ýákiletti ekonomıkalyq operatorlaryn ózara taný týraly Memorandýmǵa qol qoıyldy. Marat Sultanǵazıevtyń aıtýynsha, ýákiletti ekonomıkalyq operatorlardy ózara taný týraly memorandým boıynsha jumys 5 jyl boıy júrgizildi. Kedendik rásimdeý men baqylaý rásimin ońaılatý QR ÝEO kompanııalarynyń Qytaı keń naryǵyna qol jetkizýin jeńildetedi. Import, eksport jáne logıstıkalyq ınfraqurylymdy damytýǵa jańa múmkindikter beredi. Osylaısha Qazaqstan ekonomıkasyn odan ári turaqty damytý úshin jaǵdaılar jasaıdy.
