Kórmede «Georgıı Halanskııdiń stýdııasy» kópshilik nazaryna jas sýretshilerdiń shyǵarmashylyǵyn usynady. Ekspozısııaǵa qylqalam sheberleriniń keskindemelik jáne grafıkalyq mánerde oryndalǵan úsh júzge tarta týyndysy qoıylady. Bul – stýdııanyń 20 jyldyǵyna arnalǵan mereıtoılyq kórme. Kórmege qatysýshylar úsh jyl boıy daıyndalǵan. Endi kórermender olardyń úzdik shyǵarmalarymen tanysa alady. Mundaǵy árbir sýretshiniń ómir týraly óz oılary men jeke ózderine tán qoltańbalary, súıikti taqyryptary men oryndaý tehnıkalary bar.
«Bizdiń aldymyzda Smaǵul Bahtııardyń pozıtıvti ıronııasy, Talaeva Ekaterınanyń shartty shynaıylyǵy, Shramko Oksananyń lırıkalyq realızmi men Saı Olganyń sezim sımvolızmi ashylady. Súıikti ertegileriniń qaharmandary tirilip keledi, sý asty patshalyǵy turǵyndarynyń fantastıkalyq obrazdary, jaryq dúnıege qaıtyp oralǵan balalyq shaqtyń kórinisteri, portretter, sezimder men armandar sý betine qalqyp shyǵady», – deıdi mýzeıdiń baspasóz hatshysy Klara Isabaeva.
Kórme uıymdastyrýshylary kórermenderdi aty atalǵan sýretshilerden ózge Vera Vodnevanyń shyǵarmashylyǵymen tanystyrady. Onyń kestesi joǵary sapasymen, tereń kolorıtimen jáne árbir detalǵa erekshe kóńil qoıýymen erekshelenedi.
ALMATY
