Májilismender Báıdibek aýdanynyń sharýa qojalyqtarynyń basshylary, jeke kásipkerler jáne stýdenttermen kezdesti.
Kezdesýler barysynda depýtattar Tuńǵysh Prezıdent – Elbasy Nursultan Nazarbaevtyń Nur Otan partııasynyń XVIII Sezinde bergen tapsyrmalaryn júzege asyrý boıynsha negizgi baǵyttar men mindetter jáne partııanyń áleýmettik jobalary týraly aıtyp berdi.
Májilistegi zań shyǵarý qyzmeti týraly tanystyryp, Palatada maquldanǵan bipqatap zań jobasy elimizde ómip súrý deńgeıin sapaly arttyrý men óńirlerdi damytýǵa baǵyttalǵanyn atap ótti.
О́z kezeginde óńir turǵyndary halyq qalaýlylary aldynda ózekti áleýmettik máselelerdi kóterdi. Atap aıtqanda, aýyl sharýashylyǵyn damytý, jastardy qoldaý, eldi mekenderdi gazben jabdyqtaý, turǵyn úımen qamtamasyz etý, jumyspen qamtý, muǵalimderdiń mártebesin kóterý, nesıe berýdiń qoljetimdiligin qamtamasyz etý, jeke turǵyn úı qurylysy úshin jer ýchaskelerin bólý, zeınetkerlikke shyǵý jasyn tómendetý, medısınalyq qyzmetterge, ásirese, aýyldarda jedel medısınalyq járdemge qoljetimdilik, áleýmettik járdemaqylar, onyń ishinde memlekettik ataýly áleýmettik kómekke qol jetkizý máselesi jáne basqa da máseleler.
Sharýa qojalyqtary basshylarymen kezdesýi barysynda depýtattar jergilikti qııar men qyzanaq óndiretin kásiporynǵa bardy. О́nimdiligi 120 tonna kókónis óndiretin kásiporyn óz jumysyn 2014 jyly bastady. Sodan beri Túrkistan oblysy Shymkent qalasy jáne Báıdibek aýdanyn qys mezgilinde qııar jáne qyzanaqpen qamtamasyz etip otyr. Josparda jergilikti jumysshylardyń quramyn kóbeıtý, olardy joǵary tehnologııalyq qural-jabdyqtarmen oqytý jáne óndiris kólemin arttyrý kózdelgen.
Sondaı-aq depýtattar Nurtaı Sabılıanov pen Shavhat О́temisov Arys qalasynda temirjolshylarmen kezdesti jáne kún elektr stansasynyń qurylysymen tanysty.
Kezdesýlerdi qorytyndylaı kele, parlamentshiler saılaýshylardyń kótergen máseleleri men pikir-usynystary depýtattyq korpýs tarapynan eskeriletinin málimdedi.
