Aımaqtar • 09 Mamyr, 2019

Túrkistan oblysynda meıirbıkeler marapattaldy

880 ret kórsetildi

Halyqaralyq meıirbıkeler kúni qarsańynda Túrkistan oblystyq týberkýlezge qarsy dıspanseriniń 127 meıirbıkesi 50 myń teńgeden syıaqy, taǵy altaýy tabıǵaty tamasha Býrabaı shıpajaıyna joldama aldy.

Mekemeniń bas dárigeri Bolathan Saǵymbekov  densaýlyq saqtaý salasynyń damýyna  ózindik úlesin qosyp, minsiz qyzmet etken  meıirbıkelerdi arnaıy medalmen, alǵys hatpen marapattady. «Meıirbıkelerdiń – medısına salasynda alar orny bólek.  Túrli apattarda, tótenshe jaǵdaılarda halyqqa alǵashqy medısınalyq kómek kórsetip,  ómirin arashalap qalýǵa erekshe septigin tıgizetin osy meıirbıkeler. Sizder 70-80 paıyz ýaqyttaryńyzdy naýqastarǵa bólip, olarǵa qamqorlyq pen meıirimderińizdi aıamaısyzdar»,- dedi  mekeme basshysy saltanatty jıynda. Al otyz jylǵa jýyq osy salanyń ystyǵy men sýyǵyna tózip kele jatqan dıspanserdiń bas meıirbıkesi Juparkúl Naýryzbaeva psıhologııalyq turǵydan aýrý ekenine senbeı, dertin asqyndyryp keletin naýqastarmen jumys isteýdiń qıyn ekenin jasyrmady. «Týǵan-týysqandary bilmesin dep jasyrynyp keletinder kóp. Mundaı jaǵdaıda meıirbıkelerimiz naýqastarǵa em-dom júrgizýmen qatar jyly sózderin aıamaı, psıhologııalyq kómek kórsetip jatady»,- deıdi Juparkúl Tashkenbaıqyzy. Merekelik is-shara barysynda qyzmetkerler ózara sporttyq saıysqa túsip, kil myqtyny anyqtady.

Aıta keteıik, búgingi tańda oblystyq týberkýlezge qarsy dıspanserde 380-ge jýyq orta býyndy medısına qyzmetkeri jumys isteıdi. Olardyń 77,5 paıyzy túrli sanattarǵa ıe.

Túrkistan oblysy

Sońǵy jańalyqtar

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Shıraz bulbuly

Ádebıet • Keshe

Ata jurtta

Ádebıet • Keshe

Oqý men oqymaý hám talǵam

Ádebıet • Keshe

Abaı oblysynyń aty ozdy

Aımaqtar • Keshe

Uqsas jańalyqtar