Oblys ortalyǵynda qoǵamdyq tártipti qadaǵalap, kezekshilik etip júrgen partýllik topqa shuǵyl habar túsken. Sol mańaıda turatyn bir áıel balalarynyń úshti-kúıli joǵalǵany jaıly qalalyq ishki ister bólimine janushyra habarlaǵan.
«Bizdiń patrýldik top jedel izdestirý sharalaryna kirisip, turǵyndardyń kómegine súıene otyryp garajdardyń birinen kómek suraǵan daýysty estıdi. Temir esikti buzyp, ishke enip, aıaq-qoly baılaýly búldirshinderdi jeńil kóliktiń júksalǵyshynan taýyp alady. Ákeleri bolsa, merekeni «toıdaýǵa» ketken», deıdi ekinshi rota komandıriniń orynbasary Ashat Temirhanov.
Eki jerde jumys isteıtin áıel keshqurym úıine sharshap-shaldyǵyp kelgende kúıeýin de, balalaryn da tappaı qalyp, dabyl qaqqan.
Áskerı bólimniń shtab bastyǵy Erhan Músálimovtyń aıtýynsha, qala ishinde kúnine 45 baǵyt boıynsha 130-ǵa jýyq áskerı qyzmetker qoǵamdyq tártipti baqylap, 6 saǵattyń ishinde 1,5 shaqyrym aımaqty barlaıdy eken. Aıyna 150-den astam túrli buzaqylyq oqıǵalar anyqtalyp, araq ishý, otbasylyq kıkiljiń, urlyq-qarlyq oqıǵalary kóp kezdesetin kórinedi.
