Festıval maqsaty ózgerissiz. Bul ulttyq horeografııalyq ónerdi qoldaý jáne tanymal etý, pedagog-horeograftardyń kásibı qaýymdastyǵyn nyǵaıtý, horeografııalyq bilim berý salasynda shyǵarmashylyq jetistikter men tájirıbe almasý.
Festıval Elbasy N. Nazarbaevtyń jarııalaǵan «Rýhanı jańǵyrý» qoǵamdyq sanany jańǵyrtý memlekettik baǵdarlamasyn júzege asyrý jáne Jastar jyly aıasynda ótýde. Osyǵan baılanysty uıymdastyrýshylar qazirgi jastardyń mádenı tárbıesi men shyǵarmashylyq áleýetin damytýǵa erekshe kóńil bóledi.
Festıvalǵa stýdentter men oqytýshylar, konsertmeısterler, ádiskerler, ǵalymdar, tájirıbeshiler men balet ártisteri Qazaqstan, Reseı, Bashqurstan, Qyrǵyzstan, О́zbekstan, Býrıatııa, Iаkýtııa jáne Ońtústik Koreıa horeografııalyq oqý oryndarynyń kásibı bı ujymdary men stýdenttik ujymdary qatysady.
Shyǵarmashylyq jastardyń talantyn damytýǵa baǵyttalǵan úlken bilim berý baǵdarlamasymen Darıa Dmıtrıeva (Iаkýtııa), Lıýdmıla Mergeneva (Býrıatııa), Gaınıkamal Beısenova (Qazaqstan) sóz sóıleıdi. Balet sheberleri tájirıbemen bólisip, jeke sheberlik synyptary aıasynda óz elderi men óńirlerindegi balet mektepterin tanystyrady.
Balet mektepteriniń V festıvali baǵdarlamasy kelesi is-sharalarmen usynylady: «Vremıon svıazýıýshaıa nıt» qazaq sahnalyq kıiminiń ekspozısııasy, G. Kapanovanyń «Bıge jol» fotoekspozısııasy, jas avtor Natalı-Ramınty Baraýskaıteniń «Bı boıaýlary» atty kórkem kórmesi, «Jahandaný dáýirindegi zamanaýı óner jáne bilim» konferensııasy, «Mekteptiń tusaýkeseri jáne horeografııalyq bilim berýdiń damý bolashaǵy-XXI ǵasyr baleti» atty dóńgelek ústel,
«A. Seleznev atyndaǵy Almaty horeografııalyq ýchılıshesiniń búgini» atty fılminiń tusaýkeseri.
