- Bakýdegi álemdik Grand Slam týrnırine biz jas sportshylardy jiberdik. О́ıtkeni, bizge qosalqy quramdy da nyǵaıtý kerek. Tek aldaǵy Olımpıada oıyndaryn ǵana emes, odan keıingi jaǵdaıdy da umytýǵa bolmaıdy. Keshe Baký tatamıinde kúresken jas balýandar 2024 jylǵy Parıj Olımpıadasyna deıin pisip-jetiletin sportshylar. Olardy búginnen bastap dodaǵa qosyp, iri jarystarda synamasaq, keıin kesh bolady. Sondyqtan, júldesiz qaldyq dep qobaljýdyń qajeti joq. Bári de baqylaýda.
Al ulttyq qurama úzdikteri Azııa chempıonatynan keıin dereý Qytaıdyń Hohot qalasynda ótetin álemdik Gran-prı týrnırine daıyndyqty bastap kettti.
Tap osy Hohottaǵy týrnırden bastap upaı berý júıesi ózgeredi. Iаǵnı, sportshynyń jıǵan upaıy 100 paıyz esepke alynady. Demek, Tokıo Olımpıadasynyń joldamasy úshin naǵyz tartys endi bastalmaq, - deıdi Aıdyn Smaǵulov.
Qytaıdaǵy básekege qatysatyn sportshylar tizimi tómendegideı:
60 keli: Eldos Smetov, Ǵusman Qyrǵyzbaev
66 keli: Erlan Serikjanov, Eldos Jumaqanov
73 keli: Jansaı Smaǵulov, Serik Aqylbek
81 keli: Dıdar Hamza, Rýslan Musaev
90 keli: Islam Bozbaev, Ersultan Muzapparov
100 keli: Aıbek Serikbaev, Ádilhan Qozybaev
+100 keli: Erasyl Qajybaev, Ǵalymjan Qyryqbaı
Hohottaǵy Gran-prı týrnıri 24-26 mamyr aralyǵynda ótedi. Jarysqa álemniń 47 memleketinen 419 sportshy qatysady dep kútilýde.
