Osy jarysta Qazaqstannyń maqtanyshy, Olımpıada chempıony Dmıtrıı Balandın de baq synady. Brass ádisimen 200 metrlik qashyqtyqqa júzýde ol 2:10.73 sekýndtyq nátıjemen qola medaldi ıelendi. Bul tartys reseılik Anton Chýpkovtyń jeńisimen aıaqtaldy. Onyń nátıjesi – 2:08.23. Kúmis medaldi Ippeı Vatanabe moınyna ildi. Japonııalyq júzýshiniń kórsetkishi – 2:08.61.
Sondaı-aq, Balandın vengrııalyq Laslo Cheh, amerıkalyq Hollı Hıbbott jáne avstralııalyq Emılı Sıbommen birge 4h100 metrlik aralas estafetalyq saıysta da qola júldeni oljalady.
Esterińizge sala keteıik, «Champions Swim Series» dodasynyń alǵashqy kezeńinde Dmıtrıı Balandın óziniń ońtaıly qashyqtyǵynda tórtinshi orynǵa taban tirep, Olımpıada joldamasyna ıelik etken edi. Endi aıtýly jarystyń sońǵy kezeńi 31 mamyr men 1 maýsym aralyǵynda AQSh-tyń Indıanapolıs qalasynda ótedi.
