«Ultra 70» saıysynda reseılik Marına Ábildaeva óziniń byltyrǵy jylǵy kórsetkishin jaqsartyp, jańa rekord qoıdy. Alǵash ret áıel adam jalpy toptyń arasynan máre syzyǵyn ekinshi bolyp qıyp ótti. Ol tek kóshbasshy Nýradın Iýsýpovtan (ýaqyty: 06 saǵat. 40mınýt 50sekýnd ) ǵana qalyp qoıdy. Al áıelder arasynda alǵashqy úsh orynnyń barlyǵyn sheteldik sportshylar ıelendi. Olar – reseılik Marına Ábildaeva (ýaqyty: 06 saǵat 52 mınýt 53 sekýnd), ýkraınalyq Oksana Rıabova (ýaqyty: 07 saǵat 02mınýt 15 sekýnd) jáne ulybrıtanııalyq Djo Mık (ýaqyty: 07 saǵat, 17mınýt 52sekýnd).
«Sprint 15» saıysynda Ýkraınanyń ókili Anastasııa Chıornaıa jańa rekord ornatty – 01 saǵat 02mınýt 59 sekýnd. Bul – osy jarystaǵy erlerdiń nátıjesimen para-par.
Ulybrıtanııadan kelgen Djo Mık kásipqoı sportshy. «Scott Running» komandasy sapynda óner kórsetetin ol «TENGRI ULTRA» dodasynyń uıymdastyrý deńgeıin asa joǵary baǵalady. Jelaıaqtyń aıtýynsha, aıtýly doda «International Trail Running Association» halyqaralyq uıymynyń bekitken talaptaryna saı ótti.
- Men buǵan deıin Eýropa, Soltústik Amerıka jáne Azııa qurlyqtarynyń aýmaǵynda ótken kóptegen halyqaralyq dodalarǵa qatystym. Al Qazaqstanǵa alǵash ret kelýim. Ondaǵy maqsat – «TENGRI ULTRA» jarysyna qatysý edi. Aıaqalysym jaman bolǵan joq. Áıelder saıysynda úshinshi oryndy ıelendim. Kún ystyq boldy. Qarsylastarym da jaqsy daıarlanǵan eken. Jeke óz basym, osy jerdiń ádemi tabıǵatyna tamsandym», – dep Djo Mık aǵynan jaryldy.
