Mádenıet jáne sport mınıstrliginiń tapsyrysy boıynsha «Qazaqfılm» kınostýdııasy túsirgen fılmniń kórsetilimine Qorǵanys mınıstri Nurlan Ermekbaev, Mádenıet jáne sport mınıstri Arystanbek Muhamedıuly, Parlament depýtattary men qoǵam qaıratkerleri, Aýǵan soǵysynyń ardagerleri qatysty.
El ishinde «Qara maıor» atanyp ketken tulǵa jaıyndaǵy tolyqmetrli derekti týyndynyń ssenarıı avtory jáne teń rejısseri – Áset Ernazarov pen Ǵazız Nasyrov.
Rejısserlerdiń aıtýynsha, atalǵan týyndyny túsirý barysynda negizinen arhıv materıaldary men soǵys ardagerleriniń estelikterine basymdyq berilipti. «О́ıtkeni Aýǵan soǵysynyń ardagerleri áli de aramyzda júr. Sol sebepti de faktiler men oqıǵalardy sóıletýde barynsha dáldik pen dáıektilikke nazar aýdardyq» dep atap ótti rejısser Áset Ernazarov.
Kórsetilim sońynda Aýǵan soǵysynyń ardagerleri fılmdi túsirgen shyǵarmashylyq topqa óz rızashylyǵy men alǵys sezimderin bildirip, komandır Borıs Kerimbaev pen Aýǵanstandaǵy qyzmetteri jaıly tushymdy estelikterimen bólisti. О́skeleń urpaqqa batasyn berip, Otanymyzda máńgilik tynyshtyq pen beıbit ómirdiń ornaýyn tiledi. Osylaısha, fılm premerasyna jınalǵan Aýǵan soǵysy ardagerleri men áskerı qyzmetkerler, jalpy kórermen zaldan rıza bolyp tarqasty.
