Sonymen qatar Qasym-Jomart Toqaev balalar aýrýxanasynyń medısınalyq qyzmet kórsetetin kabınetterin aralap kórip, dárigerlermen áńgimelesti.
Erkin áńgimelesý barysynda Qazaqstan Prezıdenti bala densaýlyǵyn jaqsartý isi memlekettiń mańyzdy mindetteriniń biri ekenin atap ótip, bul baǵyttaǵy jumystar jandana túsetinin aıtty.
– Sizderdiń kúndelikti jumystaryńyzdyń ońaı emes ekenin jaqsy bilemin. Balalardy emdep, halyqtyń alǵysyna bólenip júrsizder. Eńbekterińiz elene bersin! – dedi Memleket basshysy.
Sońynda Qasym-Jomart Toqaev medısına mekemesi ujymynyń jumysyna tabys tiledi.
Balalarǵa kásibı, stasıonarlyq jáne dıagnostıkalyq kómek kórsetýge baǵyttalǵan aýrýxananyń jalpy aýmaǵy 24436 sharshy metr. Medısınalyq mekemede xırýrgııa, terapııa, zertteý júrgizý, ota jasaý bloktary, sáýlemen emdeý jáne fızıoterapııa bólimsheleri bar. Uıymda 500-den astam personal qyzmet etedi.
