Jedel aldyn alý sharasy jol-kólik oqıǵalaryn boldyrmaý, jol-kólik oqıǵalaryna tikeleı áser etetin jaǵdaılardyń aldyn alý, jol qaýipsizdigin qamtamasyz etý, jol qozǵalysy erejeleriniń buzylýyna jol bermeý, qoǵamdyq tártipti qadaǵalaý maqsatynda uıymdastyryldy.
Qalalyq PD baspasóz qyzmetiniń habarlaýynsha, JAISh ótkizilgen eki kúnniń ishinde polısııa qyzmetkerleri 800-ge jýyq jol qozǵalys erejeleri buzylǵanyn anyqtady. Kólikti mas kúıinde basqarǵan 17 júrgizýshi ustaldy. Jalpy alǵanda, quqyq qorǵaý organdary qyzmetkerleri jyl basynan mundaı 300-den astam júrgizýshini anyqtady.
Sondaı-aq, JAISh barysynda qaýipsizdik beldikterin paıdalaný erejelerin saqtamaýdyń 50-ge jýyq faktisi, jaıaý júrginshilerdiń jol qozǵalysy erejesin buzýǵa qatysty 50-ge jýyq oqıǵa, avtokólik quraldaryn júrgizý kezinde júrgizýshilerdiń uıaly telefondardy paıdalanýyna qatysty 30-dan astam jol erejesin buzý oqıǵasy anyqtaldy.
