Stend atýdan komandanyń bas bapkeri Sergeı Kolos Olympic.kz saıtyna suhbat berip, mergenderdiń kórsetkishin baǵalady.
«Jarys áli aıaqtalǵan joq. «Trap» baǵdarlamasy boıynsha mergenderimiz áli de synǵa túsýde. Sondyqtan, olımpıada lısenzııasynan úmitimiz bar. Al «dóńgelek» stend boıynsha bizdiń eki birdeı sportshymyzdyń fınalda baq synaýy buryn-sońdy bolmaǵan jaǵdaı. Osyǵan deıingi oıyndardaǵy lısenzııany biz Azııa chempıonatynda utyp alǵanbyz. Bıylǵy qurlyq dodasy jyl sońynda ótedi.
Alda Fınlıandııada ótetin álem kýbogi kezeńi men qurlyq chempıonaty kútip tur. Joldama jeńip alatyn múmkindik az qaldy. Sol sebepti, bar kúshimiz osy eki týrnırde sátti óner kórsetýge baǵyttalǵan. Basty maqsat – Olımpıada joldamasyn jeńip alý.
Orynbaı men Panarına óte jaqsy nátıje kórsetti. Fınalda Olımpıada men álem chempıonattarynyń júldegerleri synǵa túskenin eskersek, olardyń bul kórsetkishi kóńilden shyǵady», - deıdi bas bapker.
