Qalalyq ortany regenerasııalaý basqarmasy basshysynyń orynbasary Amanjol Alpysbaev qalalyq damý akseleratory iKomek 109 biryńǵaı baılanys ortalyǵy bazasynda jumys isteıtindigin habarlady. Jumys toby jobany ıdeıadan túpkilikti iske asyrady jáne josparlanǵan nátıjege deıin baqylaýyna alady.
«Bul qala ákimdiginiń barlyq vedomstvolarynyń mamandary men sarapshylarynan turatyn biryńǵaı alań bolady. Qurylym shtab ispetti. Basty ereksheligi – keshendi usynysy bar árbir turǵyn osy komandanyń múshesi bolý múmkindigine ıe. Shtab tolyǵymen ashyldy. Munda «Synaısyń ba? Sheshimin usyn!» qaǵıdaty jumys isteıdi. Dálirek aıtqanda, sheshimder ashyq túrde qabyldanbaǵandyqtan, qala ómirinde problemalar týyndaıdy», – dedi A.Alpysbaev.
Sonymen qatar, iKomek 109 qalalyq monıtorıng jáne jedel áreket etý ortalyǵynyń basshysy Jannat Dýbırova qalalyq damý akseleratoryn zertteý quraldarynyń biri «naqty ýaqyt rejıminde qalanyń júıeli máseleleri reıtınginiń paneli» bolyp tabylatynyn habarlady. Ol elorda turǵyndarynyń ótinishteri negizinde quryldy. Onyń aıtýynsha, búgingi tańda qalada keń taraǵan máselelerge ashyq lıýkter, qańǵybas janýarlar, qoǵamdyq kólik jumysy, densaýlyq saqtaý, sý basý, kóshelerdi jaryqtandyrý jáne PIK qyzmeti jatady.
«Azamattarmen keri baılanys nátıjesinde alynǵan derekter negizinde kelip túsken shaǵymdardyń júıeliligin kórip otyrmyz. Sondyqtan biz qala problemalarynyń reıtıngin qurdyq. Bul rette máseleniń maǵyzdylyǵy tórt deńgeıde qarastyrylady: tómen, ortasha, joǵary jáne óte joǵary. Búgingi tańda bul reıtıngte qalanyń 48 júıelik máselesi bar. Qalalyq damý akseleratoryn iske qosý aıasynda biz alǵashqy segiz problemaly máseleni jumysqa aldyq. 100 kún ishinde qandaı da bir ıdeıalardy ázirleý ǵana emes, ony is júzinde iske asyrý baǵdarlamanyń ereksheligi bolyp tabylady», – dedi Jannat Dýbırova.
