Jazǵy kezeńniń bastalýymen Tótenshe jaǵdaılar departamenti órttiń aldyn-alý boıynsha jumystaryn júrgizedi.
«Biz turǵyndarǵa dala men ormanda órt qaýipsizdigi erejelerin saqtaý qajettigi týraly habardar etemiz, órt qaýipsizdigi erejelerin saıajaı ýchaskeleriniń ıelerine túsindiremiz. Jazǵy kezeńniń bastalýymen turǵyndar qýraǵan aǵash, shópti tazalap, sodan keıin ony órtep jiberýi kerek. Jel kúni nemese órttiń basqa qaýip-qaterlerinde bul jumystardy júrgizýge qatań tyıym salynady», deıdi Tótenshe jaǵdaılar departamentiniń Azamattyq qorǵanys salasyndaǵy táýekelderdi tómendetý, apattar jáne baqylaý departamentiniń basshysy Oral Ábdirahmanov.
Budan basqa, órttiń aldyn-alý maqsatynda ot jaqqan oshaqtardy qaraýsyz qaldyrmaý, turmystyq tehnıkany qosylǵan kúıi qaldyrmaý, balalarǵa órtpen oınaýǵa qatań tyıym salý jáne qaýipsizdik úshin ońtaıly jerde sýdyń jetkilikti qoryn daıyndap qoıý kerek.
«О́tken jyly tikeleı kún sáýlesinen órttengen jaǵdaılar boldy. Bul «lınza effektisi» dep atalady. Sondyqtan, shyny ydysty kúnde qaldyrýdyń qajeti joq, bos shólmekterdi qoqysqa tastańyz jáne olardy berilgen keńistikte qatań túrde jınańyz. О́tken jyly qýraǵan aǵash pen shóptiń janýy boıynsha 33 oqıǵa tirkeldi. Jyl basynan bul kórsetkish 55-ke jetti, ıaǵnı ósý baıqalady. Biraq bul ystyq aýa raıynyń qolaısyzdyǵymen túsindiriledi», - dedi O.Ábdirahmanov.
Dala, orman jáne parkter aýmaqtaryna kelsek, tıisti servıstik uıymdar bar. Mysaly, ýákiletti organnan basqa «Astana-Ormany» uıymy 14 myń gektardan asatyn elordanyń jasyl beldeýin órtten qorǵaıdy. Olardyń jumysy profılaktıkalyq jumystardy júrgizýge baǵyttalǵan.
Qalanyń ormandy dala aımaǵy alty sektorǵa bólingen, olardyń árqaısysyna arnaıy «Astana-Orman» órt sóndirý brıgadalary qyzmet etedi. Ormanda baqylaý munaralary bar, onda ormanshylar jaz mezgiliniń basynan bastap táýlik boıy jumys kúzette turady.
Sonymen qatar, elordanyń kóp qabatty ǵımarattarynda elordanyń búkil perımetrin baqylaıtyn 8 beınekamera ornatylǵan.
«Elordanyń órt qaýipsizdigin 11 órt bólimshesi júzege asyrady. Búgingi tańda Shanhaı bazaryndaa órt sóndirý beketi salynyp jatyr. Sonymen qatar, «Kóktal» turǵyn alabynda, jańa temirjol vokzalynda jáne «Úrker» turǵyn alabynda taǵy úsh órt sóndirý beketin jobalaý boıynsha konkýrstyq rásimder ótkizildi. Olar iske qosylǵan soń biz astana aýmaǵyn standarttarǵa sáıkes tolyǵymen jabamyz», – dedi Ábdirahmanov.
Tótenshe jaǵdaılar departamenti men polısııa basqarmasy arasynda órt oryn ala qalǵan jaǵdaıda órt sóndirý brıgadalarynyń kedergisiz ótýin qamtamasyz etý týraly kelisim bar.
«Barlyq kólik avarııalyq-qutqarý mashınalaryna jol berýi tıis. Sonymen qatar, «jasyl tolqyn» fýnksııasy bar, bizge órt týraly dabyl kelgende, biz polısııaǵa habarlasyp, baratyn baǵytymyzdy aıtamyz. Sodan keıin olar sol baǵyttaǵy barlyq jolda baǵdarshamnyń jasyl túsin jaǵyp otyrady», – dedi Ábdirahmanov.
