Saýda-ekonomıkalyq áriptestikti keńeıtý, mańyzdy ınfraqurylymdyq jáne logıstıkalyq jobalar týraly aıta kelip, D.Nazarbaeva kólik-tranzıt salasyndaǵy ózara is-qımyldy óristetý qajettigin atap ótti. «Tranzıttik múmkindikterdi paıdalaný tıimdiligin arttyrý jónindegi Qazaqstan men Grýzııanyń múddeleri sáıkes keledi. Bizdiń memleketterdiń aýmaǵy arqyly iri transqurlyqtyq kólik dálizderi ótedi. Bul zor artyqshylyqty paıdalaný kerek», dedi Senat basshysy.
Taraptar týrıstik áleýet pen gýmanıtarlyq yntymaqtastyqty keńeıtýdiń keleshegin talqylady. Grýzııa premer-mınıstri Grýzııanyń ishki jalpy óniminiń 6 paıyzy eldegi bilim berýdi damytýǵa baǵyttalatyn jańa zań týraly habardar etti. Ol eki eldiń joǵary oqý oryndaryna yntymaqtastyqty belsendi damytýdy usyndy.
Senat Tóraǵasy eldegi mańyzdy ishki saıası oqıǵalar, qazaqstandyqtardyń keleshekke zor senimmen qaraıtyny týraly aıta kelip, elimizdegi prezıdenttik saılaý jónindegi saılaý naýqanynyń barysy týraly áńgimeledi.
Sondaı-aq Grýzııany kele jatqan táýelsizdik kúnimen quttyqtaǵan D.Nazarbaeva: «Jeńimpaz Grýzııa halqynyń órkendep, damýyna tilektespin. Bul maqsatqa jaqyn bolashaqta qol jetkizetinine senimdimin», dep atap ótti.
