Aımaqtar • 16 Mamyr, 2019

Qaraǵandylyq oqýshylar mektepke onlaın rejiminde ornalastyrylady

722 ret kórsetildi

Bıylǵy jyldyń 1 maýsymynan bastap Qaraǵandy qalasynda birinshi synypqa qabyldaý jáne mektepten mektepke aýysý ótinimderin http://school.kargoo.gov.kz/ru/ portaly boıynsha berý múmkindigin qarastyrǵan jańa júıe iske asa bastaıdy. Iаǵnı, ata-analar endi balalaryn mektepke onlaın rejiminde ornalastyra alatyn boldy.

Joba uıymdastyrýshylary mundaı jańashyldyq ata-analardyń ýaqytyn únemdeýge kómektesedi jáne sybaılas jemqorlyq táýekelin joıady degen pikir aıtady.

О́tinishti durys rásimdeý úshin balanyń elektrondyq fotosýreti, onyń týý týraly kýáliginiń skanerlik kóshirmesi jáne balanyń densaýlyq tólqujatynyń  skanerlengen 1, 17 jáne 18-shi betteri qajet. О́tinish berýshi qujattardyń qaraýǵa qabyldanǵany týraly SMS-habarlama alady. 

Balasy birinshi synypqa baratyn ata-analarǵa onlaın-ótinimdi qalaı durys rásimdeý kerektigi týraly 18 mamyr kúni saǵat 11.00-de Qaraǵandynyń barlyq mektepterinde ótetin jalpyqalalyq ata-analar jınalysynda túsindiriledi.

Jańa júıe tártibine saı, birinshi kezekte tirkelgen mekenjaıy boıynsha tańdalǵan mektepke qatysty oqýshylar qabyldanady. Al balalaryn basqa aýdanda ornalasqan mektepke bergisi keletinder úshin kvotalyq oryndar qarastyrylǵan. Ol oryndar tamyzdyń 1-juldyzynan  keıin bólinedi. Bul rette gımnazııa men lıseılerde balamen áńgimelesý jáne testileý ótkizýge quqyǵy bolady. 

Jańa júıe bir synypqa 25 baladan artyq qabyldanbaıtyndaı etilip jasalǵan. Al eger synyp ınklıýzıvti bolsa, onda oqýshylar sany azaıtylýy múmkin.

– Bul júıede ata-analar qaladaǵy reıtıngteri kórsetilgen barlyq mektepterdiń tizimin kóre alady. Sondaı-aq, olar bıyl birinshi synyp oqýshylaryn qabyldaıtyn barlyq pedagogtarmen onlaın rejiminde tanysý múmkindigine ıe bolady. Iаǵnı, júıe bazasynda ár muǵalimniń marapat, sanat jáne jetistikter tizimi bar qujattama bolady. Eskeretin bir jaıt, eger qabyldaý kezinde qandaı da bir qujat jetispese, mekteptiń ol balany qabyldamaýǵa quqy bolady, – dep túsindirdi Qaraǵandy qalalyq bilim bóliminiń jalpy jáne orta bilim berý sektorynyń meńgerýshisi Natalıa Golovına.

Budan bólek, aldaǵy ýaqytta elektrondyq júıede memlekettik-jekemenshik áriptestik júıesi boıynsha jumys isteıtin jeke mektepter de paıda bolady.

Qazirgi tańda oblys ortalyǵynda jeke menshik bes mektep jumys isteıdi. Mamyr aıynyń sońyna qaraı memlekettik bilim berý tapsyrysyn ornalastyrýǵa baıqaý uıymdastyrylady. Onyń tómengi synyp oqýshylaryna arnalǵan baǵasy 15 780 teńgege teń. Al bul qarjynyń qalǵan bóligin ata-analar óz qaltasynan tóleıdi.

О́tinishterdi elektrondy túrde qabyldaý 29 tamyzǵa deıin júrgiziledi. Al bul merzimde onlaın-ótinim berip úlgere almaǵan ata-analar oqý mekemesiniń keńsesine habarlasýy kerek. Buǵan qosa, jaqyn arada balalardy mektepke qabyldaý máseleleri boıynsha «Jedel jeli» jumys isteı bastaıdy.

Sońǵy jańalyqtar

Uqsas jańalyqtar