Jarys qojaıyndary retinde aıtýly jarysqa Shveısarııanyń qatysatyny belgili. Taǵy eki joldamany Nur-Sultanda jalaýy jelbiregen birinshi dıvızıon komandalary arasyndaǵy álem birinshiliginde alǵashqy eki oryndy oljalaǵan Qazaqstan men Belarýs quramalary jeńip aldy. Sonymen qatar, bul kúnderi Slovakııada ótip jatqan álem chempıonatynda Reseı men Germanııa hokkeıshileri dál sondaı qurmetke ıe boldy. О́ıtkeni, olar osy jarysta qatarynan tórt kezdesýde jeńiske jetip, ázirge óz toptarynda birinshi oryndy ıelenýde. Tipten, qalǵan matchtarda tegisteı utylǵan jaǵdaıdyń ózinde olar elıtalyq dıvızıonda qalady.
Al kelesi jylǵy dúnıejúzilik dodaǵa qatysatyn qalǵan komandalar Slovakııadaǵy jarystyń qorytyndysy boıynsha anyqtalady.
