Bylaıǵy jurt Temirlan Shaıjúnisovty «Toqsan úı salǵan Temirlan» dep ataıtyn edi. О́ıtkeni, isker azamattyń bastamasymen buǵan deıin salynǵan jańa úılerdiń sany toqsanǵa jetip qalǵan bolatyn. Tek, turǵyn úı qurylysy munymen toqtamaıdy. Jaqynda Aqterek aýylynda bes otbasy qonys toıyn toılady. Baspanaly bolǵandar osy sharýa qojalyǵynyń eńbekkerleri. Qýanyshqa kenelgender qatarynda Aıdarkúl Qasenova, Aıman Qalabaeva, Qundyz Qyrǵyzbaıqyzy sııaqty kópbalaly analar men Aýǵan soǵysynyń ardageri Jańabek Baıdáýletov jáne eńbek ozaty Serjan Seıitov bar.
- Jyl aıaǵyna deıin taǵy úsh baspananyń qurylysyn aıaqtasaq dep otyrmyz. Al aldaǵy jyly qoldanysqa berilýi úshin segiz úıdiń irgetasy quıylmaqshy. Osylaısha, el aldyndaǵy ýádemizde turyp, aýyldyń barlyq turǵynyn jańa úımen qamtyǵansha jumysty jalǵastyramyz. Eńbek etken adam onyń rahatyn da kórýi tıis, aýyl adamdary da qaladaǵydaı baby kelisken baspanada turýǵa qol jetkizse, meniń armanymnyń oryndalǵany, - deıdi «Aqterek» sharýa qojalyǵynyń basshysy Temirlan Shaınúsipov.
Almaty oblysy
