Jármeńkede baǵdarlamany nesıeleý boıynsha kóshbasshy bolyp otyrǵan «Sentr kredıt banki» aksıonerlik qoǵamynyń Taldyqorǵan qalasyndaǵy fılıalynyń dırektory Manat Baıǵonysova qarjylandyrý tetikterin túsindirdi.
– Bizdiń bank memlekettik baǵdarlama boıynsha nesıe berýde úzdik bolyp otyr. Elimiz boıynsha rásimdelgen nesıeniń 91 prosenti «Sentr kredıt banki» úlesinde. Al oblys boıynsha biz esepti kezeńde jalpy quny 300 mln teńge bolatyn 18 ıpotekalyq nesıe rásimdedik. Bul óte joaǵry kórsetkish, – dedi Manat Baıǵonysova.
Al «Baspana» ıpotekalyq uıymynyń seriktes banktermen jumys jónindegi departamentiniń dırektory Qanat Ábdiraımovtyń aıtýynsha «7-20-25» memlekettik baǵdarlamasy boıynsha ıpotekalyq nesıe alýǵa 13 myń ótinim qabyldanyp, onyń arasynan 7633 ótinim maqulypty. Munyń ishinde naqty Almaty oblysy boıynsha 191 adamǵa nesıe ótken jyly berilgen..
Qazir «7-20-25» baǵdarlamasynyń talaptaryna sáıkes keletin 2 myńǵa jýyq páter satylymǵa shyǵarylypty. Oblys boıynsha Talǵar, Qarasaı, Ile aýdandary men Taldyqorǵan, Qapshaǵaı qalalarynda salynyp jatqan 16 turǵyn úı keshenindegi páterlerge suranys bar eken.
Almaty oblysy
