68 kılo salmaqta Nursultan Mamaev óner kórsetti. Bastapqy qos básekede Cherngorııa men Kanadanyń sportshylaryn utqan qandasymyz úshinshi aınalymda belgııalyq qarsylasyna ese jiberdi. 54 kılo salmaq dárejesinde baq synǵan Samat Temirhan ekinshi kezeńde súrindi. Ol japonııalyq daıan sheberine ese jiberdi. +73 kılo salmaqtaǵy Mereke Júnisovanyń da joly bolmady. Qazaq taekvondoshysynyń tusaýkeser kezdesýinde Brazılııanyń ókiline áli jetpedi.
Esterińizge sala keteıik, álem chempıonatynyń alǵashqy kúni de Qazaqstan quramasy úshin sátsiz aıaqtalǵan edi. Atap aıtsaq, 46 kılo salmaqtaǵy Aınur Ýashbaı tusaýkeser kezdesýinde ırandyq sportshyǵa ese jiberse, 73 kılo salmaqtaǵy Jansel Denız ekinshi kezeńde ıspandyq daıan sheberine jol berdi. Al 58 kılo salmaq dárejesinde óner kórsetken Eldos Ysqaq úshinshi aınalymǵa deıin jetti. Ol Meksıkanyń ókilinen utyldy.
Búgin taǵy qos jerlesimiz jarys jolyna shyqty. Olar – Qaırat Sarymsaqov (74 kılo) pen Botagoz Qapanova (57 kılo).
