Meımandy qabyldaý barysynda S.Gromov bizdiń elderimizdi dástúrli dostyq qarym-qatynastar baılanystyratynyn atap ótti. Tóraǵa orynbasary Bangladeshtiń Qazaqstannyń halyqaralyq bastamalaryn qoldaǵany úshin, onyń ishinde Nur-Sultandaǵy shtab-páteri bar Islam yntymaqtastyǵy uıymynyń Azyq-túlik qaýipsizdigi jónindegi Islam uıymyn qurǵany úshin elshige rızashylyǵyn bildirdi.
Kezdesý barysynda eki el arasyndaǵy saýda-ekonomıkalyq jáne mádenı-gýmanıtarlyq yntymaqtastyqty tereńdetýdiń keleshegi talqylandy. S. Gromovtyń pikirinshe, taıaý bolashaqta Birlesken úkimetaralyq komıssııa qurý ekonomıkalyq kooperasııany keńeıtýge, eki eldiń isker toptary arasynda baılanys ornatýǵa múmkindik beredi.
Elshi M.Mannan óz kezeginde Bangladeshtiń eki el halyqtarynyń ıgiligi úshin ekijaqty yntymaqtastyqty nyǵaıtýǵa daıyndyǵyn naqtylap, memleketaralyq ózara is-qımyldyń zor áleýeti bar ekenin atap ótti.
