Jarys kestesinde jeke-dara kósh bastap turǵan «Astana» Qaraǵandynyń «Shahteryn» qabyldady. Bastapqyda alań ıeleriniń basymdyǵy anyq baıqaldy. 35-mınýtta Roman Murtazaev esep ashqannan keıin olardyń jeńiske jetetinine kúmándanǵan jankúıerler kemde-kem edi. Alaıda úzilisten keıin qarqynyn kúrt kúsheıtken qonaqtar kózdegen maqsattaryna qol jetkizdi. 78-mınýtta Marat Shahmetov penaltıden gol soqsa, 87-mınýtta Sergeı Zenev óz komandasyn alǵa shyǵardy. Osylaısha, bul kezdesý 2:1 esebimen «Shahterdyń» paıdasyna sheshildi.
Al osy týrdaǵy ózge básekeler mynadaı nátıjelermen aıaqtaldy: «Oqjetpes» – «Qaısar» 1:2, «Tobyl» – «Atyraý» 3:0, «Jetisý» — «Aqtóbe» 1:1 jáne «Qaırat» — «Ertis» 2:1.
Jarys kestesinde
«Astana» áli de kósh bastap tur. Nur-Sultandyqtar 13 matchtan keıin 28 upaı jıdy.
Ekinshi jáne úshinshi oryndardy «Qaısar» men «Tobyl» ózara bólisýde. Olardyń
árqaısysynda 23 upaıdan bar. Tórtinshi orynda – «Ordabasy». Shymkenttik klýb 20
upaıdy enshileýde. Bul komandalardyń barlyǵy da 11 kezdesýden ótkizdi. Úzdik
bestikti «Qaırat» qorytyndylap tur. 12 oıynnan keıin almatylyqtar 19 upaıdy
ıelenýde. Al kósh sońyndaǵy «Aqtóbe» nebary 5 upaıdy qanaǵat tutýda.
