Qazirgi ýaqytta jaýapty naýqanǵa jan-jaqty daıyndyq jumystary júrgizilip jatyr. Mysaly, qaraǵandylyq oqýshylardy qabyldaıtyn Buqar jyraý aýdanyndaǵy demalys lageriniń turǵynjaı jáne sharýashylyq korpýstary tolyqtaı jóndeýden ótken. Alǵashqy aýysymnyń ashylýy aldynda ol jerde tazalaý jumystary aıaqtalyp, lager aýmaǵyndaǵy aǵashtar áktelip, banner men taıaqshalar jańartylyp jatyr.
Bıyl kenshiler astanasyndaǵy balalar men jasóspirimder saraıynyń uıymdastyrýymen Qarqaralydaǵy «Medık» demalys ornynda 250 oqýshy demalatyn bolady. Buǵan qosa zııatkerlik jáne sporttyq saıystar men pán olımpıadasy syndarynda jeńimpaz bolǵan 160 bala qala syrtyndaǵy lagerde kúz mezgilinde demalý múmkindigine ıe boldy.
Aıta ketý kerek, bıyl kópbalaly jáne áleýmettik az qamtylǵan otbasylardan shyqqan 10 bala 24 sáýir men 17 mamyr aralyǵynda Almatydaǵy «Bóbek» saýyqtyrý ortalyǵynda demalyp keldi.
Sondaı-aq, 50 oqýshyǵa 19 mamyr men 11 maýsym aralyǵynda Qapshaǵaıdaǵy «Baldáýren» respýblıkalyq oqý-saýyqtyrý ortalyǵyna baryp demalýǵa joldama berilgen.
Budan bólek, osy jazda Qaraǵandyda mektep janynan 225 lager ashylyp, ol jerlerde 17 myńnan astam bala kanıkýl kúnderin ótkizedi dep josparlanǵan. Sonymen qatar, jazǵy demalys kezinde 165 jasóspirimge «Jasyl el» jastar jasaǵynda eńbek etip, tabys tabý múmkindigi beriledi.
