Túrki keńesiniń júrgizip jatqan jumysy men 2019 jyly 3 qazanda Ázerbaıjanda ótetin jáne Nahchyvan kelisimine qol qoıylýynyń 10 jyldyǵyn atap ótetin Túrki keńesiniń 7-shi sammıtine daıyndyq barysy men sammıt aıasynda uıymdastyrylatyn is-sharalar týraly habarlady. Bas hatshy Túrkııanyń Túrki keńesi múshe memleketteriniń barlyq salalarynda jan-jaqty yntymaqtastyqqa qosqan úlesi men belsendi qatysýy úshin, sondaı-aq Keńestiń jumysyna úzdiksiz qoldaý kórsetkeni ýshin Joǵary mártebeli Rejep Taıyp Erdoǵanǵa alǵysyn bildirdi.
Bas hatshy Ámireev jaqynda qurylǵan Ortaq Túrki saýda-ónerkásip palatasy týraly jáne Ortaq ınvestısııalyq qor qurýǵa baılanysty sońǵy ózgerister týraly baıandady. Ámireev budan bólek Prezıdent Erdoǵanǵa Býdapesht qalasynda Túrki keńesiniń ókildigin ashý, Keńeske múshe emes eldermen jáne halyqaralyq uıymdarmen qarym-qatynastar, sondaı-aq Túrki keńesiniń ońtaılaý jáne reformalaý ýderisi týraly habarlady. Túrkııa árdaıym Túrki álemine basymdyq beretinin atap ótken Prezıdent Erdoǵan, Túrki keńesiniń bastamalary men jumystaryna jáne 2018 jyly qyrkúıek aıynda Cholpon-Ata qalasynda ótken Túrki keńesiniń sammıtinde qabyldanǵan sheshimderdiń oryndalýyna rızashylyq bildirdi.
Erdoǵan Túrki keńesiniń bastamalary men jumystary, baýyrlas túrkitildes memlekettermen jáne basqa da múshe emes eldermen qarym-qatynastardy damytý, sondaı-aq basqa da halyqaralyq uıymdarmen yntymaqtastyqty keńeıtý, onyń ishinde Islam Yntymaqtastyǵy Uıymyna (IYU) baqylaýshy mártebesine ıe bolýyna kórsetken tolyqqandy qoldaýdyń odan ári jalǵasatynyna senim bildirdi.
Prezıdent Erdoǵan Ortaq ınvestısııalyq qordyń qurylýyna daıyndyqty joǵary baǵalap, qordyń múshe memleketterdiń shaǵyn jáne orta kásiporyndaryn da qosa alǵanda bıznesti qoldaý úshin jetkilikti áleýetke ıe bolý kerektigin bildirdi.
Prezıdent Erdoǵan Túrki keńesi, TúrkPA, TÚRKSOI, Túrki akademııasy, Túrki mádenıeti men murasy qory sııaqty Túrki yntymaqtastyq uıymdarynyń reformalaý úderisine qatysty óz pikirlerin bildirdi.
