Qazaqstan
shahmat federasııasy qurastyrǵan ədistemelik oqýlyqtary boıynsha jańa oqý jyly, ıaǵnı 1-qyrkúıekten bastap, sol oqý oryndarynyń barlyǵynda arnaıy sabaqtar júrgiziledi.
– Konkýrsqa 11 ótinish túsip,
eksperttik keńes solardyń barlyǵyn muqııat qarady, – deıdi joba menedjeri
Saltanat Noǵaıbalanova. – Júlde qoryn noýtbýkter, dybys shyǵarǵyshtar,
proektarlar, MFÝ, shahmat taqtalary men tastary, saǵattar jəne kórsetilim
quraldary qurady. Sonymen qosa, jeńimpaz bolyp tanylǵan mektepter bastaýysh
synyp oqýshylaryna arnap Qazaqstan shahmat federasııasy qurastyrǵan oqý
baǵdarlamasy men ədistemelik oqýlyqtarmen qamtamasyz etiledi.
Osy kúnge deıin osy baǵdarlama Almaty, Pavlodar,
Qyzylorda jəne Shymkenttiń 44 mektebinde júzege asyryldy. Sol jerlerde 2 myńnan
asa oqýshy təlim alýda. Osy sport túrin durys meńgerý úshin 85 bapker men 41
psıholog arnaıy daıyndyqtan ótip, bilimderin jetildirdi.
– «Shahmat
mektepte» jobasy – bizdiń federasııa ustanǵan basym baǵyttarynyń biri. Jańa oqý
jyly qarsańynda osy baǵdarlama Qazaqstannyń 34 qalasy men aýyldardyń 84 orta mektebinde
óz jumysyn bastady. Eń qýanyshtysy, aıtýly konkýrs respýblıkamyzdyń barlyq
oblysyn qamtydy, – deıdi Qazaqstan shahmat federasııasynyń atqarýshy
dırektory Irına Grıshenko
Joǵaryda atalǵan konkýrsta respýblıkamyzdyń ár
aımaǵyndaǵy 30 qala men aýyl mektepteriniń jeńiske jetkenin aıta ketý abzal. Solardyń
qatarynda Nur-Sultan, Almaty, Kókshetaý, Aqtóbe, Temir, Atyraý, Shymkent,
Jezqazǵan, Qaraǵandy, Qarqaraly, Temirtaý, Qostanaı, Qyzylorda, Aqtaý,
Ekibastuz, Petropavlovsk, Arys jəne olardan bólek taǵy birneshe aýyldar bar.
