Jer betindegi halyq sany toqtaýsyz ósip jatyr. Damyǵan jáne kedeı elderdiń tabysyndaǵy alshaqtyq tereńdeı túsýde. Energetıkalyq daǵdarys oryn ala bastady. Kóp elderdiń úkimetteri «jasyl energetıkany» damytý joldaryn izdeýge kiristi. Jasyratyny joq, energetıkalyq resýrstardyń azaıýyna qosa, azyq-túlik tapshylyǵy da álem elderin alańdatyp otyrǵan túıtkildi túıinniń biri. Osyǵan oraı, AQSh-taǵy «Blýmberg» aqparat agenttiginiń aımaqtyq dırektory Todd Baer taraptardy azyq-túlikti qanshalyqty tıimdi tutynyp jatyrmyz, adamzat aldynda turǵan kúrdeli máselelerdi sheshý úshin qandaı tehnologııalardy damytý kerek, - degen saýaldy ashyq talqylaýǵa shaqyrdy.
Al «Doha debattary» telebaǵdarlamasynyń basqarýshy dırektory Amdjad Atallah: «Buqaralyq medıadaǵy sandyq júıe: syn-qaterge tótep beremiz be?» degen taqyrypty talqyǵa salyp, taraptarǵa saýal tastady. Qazir buqaralyq aqparat quraldarynyń múshkil jaǵdaıy týraly jıi aıtylady. Keıbir sarapshylar medıakompanııalardyń túbine ǵalamtor jetedi degen pikirde. Olardyń aıtýynsha, áleýmettik jelini negizsiz, derek kózi kórsetilmegen qaradúrsin aqparat jaılap aldy. Shynynda da solaı ma? Búgin osy daǵdarystyń sheginen shyǵyp, jýrnalıstıkanyń jarqyn bolashaǵyna kóz tastaýǵa tyrysamyz degen sarapshylar, budan ózge birqatar mańyzdy saýaldarǵa birlese jaýap izdedi.
ALMATY
