23-24 mamyr kúnderi Nazarbaev ýnıversıtetiniń Medısına mektebinde elimizde osy sferada eńbek etýshi 200-deı mamannyń qatysýymen meıirgerlik bilim berýdegi tájirıbe máseleleri qarastyrylǵan jıynda 3 jyldyq «ProlnCa» jobasynyń iske asýy áńgime ózegine aınalǵan. Atalǵan jobaǵa Erazmýs+ Eýropalyq baǵdarlamasynyń 1 mln. qarjy bólgenin aıta ketken jón. Qazaqstannyń 5 JOO, al Eýropanyń 4 ýnıversıtetinen mamandar birlese júzege asyryp jatqan jobanyń negizgi úılestirýshisi Fınlıandııanyń JAMK qoldanbaly ýnıversıteti bolsa, bizdiń elde Jobanyń ulttyq úılestirýshisi-Nazarbaev Ýnıversıtetiniń Medısına mektebi eken.
Meıirgerlerdi daıarlaýda úsh jaqty–bilim berý, ǵylym jáne tájirıbeniń ıntegrasııasyn qamtamasyz etýdi kózdep, meıirgerlerdi tek dárigerdiń kómekshisi dep qaramaı, olardy orta kásiptik bilim–bakalavrıat– magıstrantýra– doktorantýrada oqytyp kóp deńgeıli maman retinde daıyndap, mártebesin kúsheıtý jobanyń negizgi maqsaty bolyp otyr.
