Reseılik senator forým álemdik jáne aımaqtyq aýqymdaǵy ózekti máselelerdi talqylaýǵa qajetti pikirtalas alańyna aınalǵanyn atap ótti.
«Forým ósip-órkendep, damý ústinde, sany jaǵynan da, qatysýshylar deńgeıi jaǵynan da, pikirsaıystar aýqymy jaǵynan da qýatty sharaǵa aınalyp keledi», - dep atap ótti ol. EAMF aýqymy keń, suranysqa ıe kún tártibin órbite túsedi dep esepteıdi Federasııa Keńesi komıtetiniń tóraǵasy.
D. Nazarbaeva Reseı Federasııasy Federasııa Keńesiniń tóraǵasy Valentına Matvıenkonyń EAMF qatysýshylaryna arnalǵan quttyqtaý sózi men forýmǵa qatysqany úshin K.Kosachevke alǵys aıtty. Quttyqtaýda «ózekti máseleler jónindegi forýmnyń pikiri Eýrazııa aıasynan tys jerlerde estiletinine» senim bildirilgen bolatyn.
Taraptar ózara tıimdi yntymaqtastyqtyń teńdesi joq áleýetin atap ótti. Parlamentaralyq únqatysý týraly aıta kelip, taraptar Parlament Senaty men Federasııa Keńesiniń salalyq komıtetteri arasyndaǵy yntymaqtastyqtyń tıimdi sıpatyna toqtaldy jáne Qazaqstan Respýblıkasy men Reseı Federasııasy parlamentteriniń joǵarǵy palatalary arasyndaǵy Yntymaqtastyq jónindegi komıssııanyń jumysy nátıjeli bolyp kele jatqanyn atap ótti. Komıssııanyń 14-shi otyrysy 24-25 mamyrda Almatyda ótedi.
Q. Kosachev sondaı-aq Senat basshysyna Reseı Federasııasyna saparmen kelýge shaqyrýyn jetkizdi.
