Besaspap
Juma, 22 aqpan 2013 7:02
Kentaý qalasynda keýdesine tas qoıyp, balǵamen urǵyzyp syndyrtatyn, mańdaıymen jańǵaq shaǵatyn Jeńis Berikqara degen qarııa turady. Árdaıym salamatty ómir saltyn nasıhattap júretin Jákeń kúndelikti týrnıkke tartylyp, júgirýdi ádetke aınaldyrǵan. Sondaı-aq, ol qala turǵyndaryna aqyndyǵymen jáne halyq ánderin naqyshyna keltire oryndaıtyn serilik ónerimen de etene tanys. Qalalyq soǵys jáne eńbek ardagerleri horyna qosylǵanyna da biraz jyl bolyp qalypty.
Juma, 22 aqpan 2013 7:02
Kentaý qalasynda keýdesine tas qoıyp, balǵamen urǵyzyp syndyrtatyn, mańdaıymen jańǵaq shaǵatyn Jeńis Berikqara degen qarııa turady. Árdaıym salamatty ómir saltyn nasıhattap júretin Jákeń kúndelikti týrnıkke tartylyp, júgirýdi ádetke aınaldyrǵan. Sondaı-aq, ol qala turǵyndaryna aqyndyǵymen jáne halyq ánderin naqyshyna keltire oryndaıtyn serilik ónerimen de etene tanys. Qalalyq soǵys jáne eńbek ardagerleri horyna qosylǵanyna da biraz jyl bolyp qalypty.
– Men bul ortada janǵa rahat tabamyn. Munda pikirles, syılas adamdar kóp. Horda kópshilikpen birge jáne jeke daýyspen halyq ánderin aıtamyn, – deıdi Jeńis Berikqara.
Al salamatty ómir saltyn ustanýǵa bel býǵan kezin qarııa bylaısha eske alady:
– Men 11 jyl boıy «Myrǵalymsaıda» kenshi bolyp jumys istedim. Ondaǵy jumystar aýyr boldy. Keıinnen organızmimdi tazalaý úshin sportpen shuǵyldanýym, salamatty ómir saltyn ustanýym qajettigin túsinip, osy joldy tańdadym. Qazir tańerteń erte turyp, tórt-bes shaqyrym júgirip kelip, dene jattyǵýlaryn jasaımyn. О́z bastamammen «Segiz seri» degen klýb ashtym. Onyń músheleriniń kópshiligi zeınet jasyndaǵy jandar. Arasynda jastar da bar. Bekzat Sattarhanov atyndaǵy balalar jáne jasóspirimder sport mektebinde aptasyna úsh kún jınalyp, ártúrli jattyǵýlarmen shynyǵyp turamyz.
Jákeń ótken jyly ózi ósirgen túrli tabıǵı gúlder men úıindegi kitaptardyń barlyǵyn jınap mádenıet saraıy men ortalyq kitaphanaǵa ótkizipti. Olardyń ishinde «Abaı joly», «Syrym batyr», «Manas» eposy, «Batyrlar jyry», Muhtar Áýezov, Sábıt Muqanov, Tahaýı Ahtanov, Ánýar Álimjanov, Baýyrjan Momyshuly, Ázilhan Nurshaıyqov sekildi aqyn-jazýshylardyń kitaptary men sport, medısına taqyrybyndaǵy óte sırek kezdesetin, baǵaly eńbekter bar.
Budan bólek, aqsaqal qarapaıym qurylys materıaldarynan túrli kompozısııalar jasaýmen aınalysady. Máselen, Qazaqstan EQYU-ǵa tóraǵalyq etken jyldary eskertkish balbaltasty qurastyrsa, Uly Jeńistiń 65 jyldyǵy qarsańynda maıdangerlerdiń erligin beıneleıtin kompozısııa jasady.
Qaırat ZAINIShEV.
Ońtústik Qazaqstan oblysy.
