Qaterge qarsy qamdanys
Senbi, 23 aqpan 2013 8:12
«Aýyryp em izdegenshe, aýyrmaıtyn jol izde», deıdi qazaq támsili. Ásirese, álem jurtshylyǵyn úrkitken aty jaman aýrýdyń asqynyp alsa boı bermeıtini belgili. Sondyqtan onyń aldyn alý sharalary jolǵa qoıylyp keledi.
Aqtaýǵa osy maqsatta mamandar jıyldy. Olar oblystyq densaýlyq saqtaý basqarmasymen jáne salamatty ómir saltyn qalyptastyrý ortalyǵymen birlese «Onkologııalyq aýrýlardyń aldyn alý» taqyrybynda onkúndik ótkizdi. Elimizdiń salamatty ómir saltyn qalyptastyrý ulttyq ortalyǵynan,
Senbi, 23 aqpan 2013 8:12
«Aýyryp em izdegenshe, aýyrmaıtyn jol izde», deıdi qazaq támsili. Ásirese, álem jurtshylyǵyn úrkitken aty jaman aýrýdyń asqynyp alsa boı bermeıtini belgili. Sondyqtan onyń aldyn alý sharalary jolǵa qoıylyp keledi.
Aqtaýǵa osy maqsatta mamandar jıyldy. Olar oblystyq densaýlyq saqtaý basqarmasymen jáne salamatty ómir saltyn qalyptastyrý ortalyǵymen birlese «Onkologııalyq aýrýlardyń aldyn alý» taqyrybynda onkúndik ótkizdi. Elimizdiń salamatty ómir saltyn qalyptastyrý ulttyq ortalyǵynan, Qazaq onkologııa jáne radıologııa ǵylymı-zertteý ınstıtýtynan kelgen mamandardyń maqsaty – Elbasy N.Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýynda júktelgen mindetterdi oryndaý, sondaı-aq, onkologııalyq aýrýlar máselesine qoǵamnyń nazaryn aýdartý, qaterli isik aýrýlaryn erte anyqtaý jóninde keńes berý, turǵyndarǵa skrınıngtik tekserýdiń mańyzdylyǵyn túsindirý.
Ajdaha aýrý respýblıka boıynsha jylyna 30 myńǵa tarta adamdy tuzaǵyna túsirip, bir jyl ishinde 17 myńnan astam jannyń ómirin jalmap úlgeredi. Derekterge súıensek, Mańǵystaý oblysy aýrý kórsetkishi boıynsha respýblıkada 2-orynda. Sońǵy kezderi jańadan 626 syrqat anyqtalǵan. Aldymen sút bezderiniń, keıingi oryndarda asqazan men ókpeniń qaterli isikteri kósh bastap tur. «Erte bastan anyqtasa aldyn alýǵa bolady», deıdi mamandar. Sondyqtan, onkúndik aıasynda Aqtaý qalasyndaǵy №1 jáne №2 emhanalarda, sondaı-aq oblystyq onkologııalyq dıspanserde «Ashyq esik» kúnderi uıymdastyrylyp, jergilikti onkolog dárigerler turǵyndardy tegin qabyldap, aqyl-keńes berdi, skrınıngtik tekserýler ótkizildi. Úsh kún ishinde 600-ge jýyq adam qaralǵan.
– Qaterli isik aýrýlary oblysymyzda sońǵy kezderi artyp keledi. Onymen kóbine 40 pen 60 jas aralyǵyndaǵy azamattar syrqattanady. Onkúndik aıasynda ótken «Ashyq esik» kúnderindegi tekseriste eki azamattan onyń belgileri anyqtaldy. Qazir olardyń boıyndaǵy aýrýdyń qaterli nemese qatersizdigin aıyrý maqsatyndaǵy jumystar júrgizilýde, – deıdi oblystyq onkologııalyq dıspanserdiń uıymdastyrý bóliminiń bastyǵy Amanturdy Rahmetov.
Onkúndik oblystaǵy dárigerler men medbıkelerdiń biliktiligin arttyrý maqsatyndaǵy semınarmen qorytyndylanyp, nátıjesinde 70-ke tarta mamanǵa arnaıy kýálik tabys etildi. Aýrýdyń aldyn alý, mamandardyń tolyqqandy jumys júrgizýi úshin jaıly orta qajet ekeni belgili. Osy oraıda Mańǵystaý oblysynda 100 oryndyq jańa onkologııalyq dıspanser ǵımaraty bıylǵy jyldyń sońyna deıin paıdalanýǵa beriledi dep kútilýde.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
