Shańyraq shattyǵy men otbasy mártebesin arttyryp, ulttyq qundylyqtardy jańǵyrtýǵa baǵyttalǵan «Mereıli otbasy» ulttyq baıqaýynyń Aq Jaıyq óńirindegi kezeńi óte tartysty ótti. Áý basta óz kúshine, bilimi men ónerine sengen 48 otbasy saıysqa túskenimen, sońǵy synǵa 13 otbasy iriktelip shyqty. Baıqaýǵa tórelik etken oblystyq komıssııa baıqaýǵa qatysqan otbasynyń qoǵamdaǵy abyroı-bedeline, azamattyq belsendiligine, shańyraqta ulttyq qundylyqtardy qanshalyqty saqtaýyna basa mán beripti.
- Atadan balaǵa mıras bolyp kele jatqan tálim-tárbıeni urpaqqa darytý, ul-qyzyn qatarynan kem qylmaı ósirý, olardy elin súıetin azamat etip tárbıeleý – ár otbasyndaǵy ulttyq ıdeologııa ekeni sózsiz. Táýelsiz elimizdiń kók baıraǵyn kókke kóteretin jastarymyz osyndaı mereıli otbasylardan ósip shyǵady. Otbasyn qalaı quryp, perzentin qalaı tárbıeleýdi úırenedi, - deıdi Batys Qazaqstan oblysy ákiminiń orynbasary Baǵdat Ázbaev baıqaýdyń respýblıkalyq kezeńine joldama alǵan jeńimpaz otbasylardy quttyqtap turyp.
Sonymen, respýblıkalyq «Mereıli otbasy-2019» ulttyq baıqaýynyń oblystyq kezeńinde Qaztalov aýdanynan kelgen Qarsaqovtar otbasy júldeli 1 orynǵa qosa, respýblıkalyq baıqaýǵa joldamany utyp aldy. Jeńimpaz shańyraqtyń otaǵasy Medet Qarsaqov - dene shynyqtyrý pániniń I sanatty muǵalimi, 15 jyldyq ótili bar ustaz. Medettiń jubaıy Gúlaıym О́tegenova da – 16 jyldan beri bastaýysh synyptarǵa sabaq berip kele jatqan úzdik muǵalim, bilim departamentiniń sarapshysy, aýdandyq shyǵarmashylyq toptyń múshesi eken. О́negeli ustazdar otbasynda 2 ul, 3 qyz ósip keledi. Aıta keteıik, 2016 jyly dál osy Qaztalov aýdanynan Bıǵalıevtar otbasy da úzdik shyqqan bolatyn.
Baıqaý qorytyndysy boıynsha Terekti aýdanynan kelgen Jumaǵalıevter otbasy – 2 orynǵa, Jánibek aýdanynan qatysqan Isataevtar otbasy - 3 orynǵa ıe boldy. Baıqaýdyń sońǵy kezeńńine qatysqan barlyq 13 otbasy túrli atalym boıynsha marapattalyp, dıplomdar men syılyqtarǵa ıe boldy.
Sýretti túsirgen Temirbolat TOQMÁMBETOV
Batys Qazaqstan
