«Qarashyǵanaq Petrolıým Opereıtıng b.v.» kompanııasynyń Oral qalasyndaǵy ofısinde jergilikti qamtýdy damytý jóninde keńes ótti. Jıynda sondaı-aq mashına jasaý jáne munaı-gaz salasyn damytý máseleleri talqylandy.
Kezdesý kezinde Batys Qazaqstan oblysynyń ákimi Altaı Kólginov Elbasynyń óńirlerdi ındýstrıaldyq-ınnovasııalyq damytý baǵdarlamasynyń I jáne II besjyldyqtaryn júzege asyrý jolynda atqarylǵan jumystar týraly aıtyp ótti. Máselen, osy ýaqyt ishinde ónerkásip ónimderin óndirý 990,1 mlrd teńgeden 2471,2 mlrd teńgege, ıaǵnı 2,5 esege ósken. Osyndaı órleý óńdeýshi kásiporyndarǵa da tán. О́ńir basshysynyń aıtýynsha, oblystaǵy óńdeýshi kásiporyndar ónim óndirýdi 2,4 esege kóbeıtken.
Altaı Kólginov «QPO b.v.» jergilikti taýar óndirýshilermen jáne qyzmet kórsetýshilermen tyǵyz qarym-qatynas jasap otyrǵanyn atap ótti.
- Batys Qazaqstan oblysy – elimizdiń strategııalyq óńiri. Muny taıaýda bizdiń oblysqa jumys saparymen kelgen Prezıdent Qasym-Jomart Toqaev ta aıtqan bolatyn. Sonyń ishinde óndiris salasyna nazar aýdaryp, jergilikti zaýyttarǵa ınvestısııa tartýdy tapsyrdy. Bul jumysty seriktesterimizben birge atqaratyn bolamyz, - dedi Altaı Kólginov.
«QPO b.v.» kompanııasynda qazaqstandyq úles sońǵy úsh jylda 48%-dan 60%-ǵa ósken. Sonyń ishinde jergilikti taýarlardy tutyný 12%-ǵa jetken. Osynyń nátıjesinde 2018 jyly ǵana 163 mlrd teńge qarjy elimizdiń ekonomıkasyna salynyp, jańa jumys oryndarynyń ashylýyna, joǵary sapaly otandyq ónim shyǵarýǵa, el qazynasyna salyq retinde qosymsha qarjy quıylýyna qol jetti. «Munyń bári saıyp kelgende óńir turǵyndarynyń ál-aýqatyn, turmys jaǵdaıyn jaqsartqany sózsiz» deıdi Altaı Kólginov.
Iskerlik kezdesýdiń qorytyndysynda jergilikti kompanııalar men «QPO b.v.» arasynda uzaqmerzimdi kelisim-sharttarǵa qol qoıyldy. «Qarashyǵanaq Petrolıým Opereıtıng b.v.» kompanııasymen áriptes bolǵan otandyq óndirýshilerdiń qatarynda «Oral transformator zaýyty» JShS, «Aqsaı ındýstrıaldy parki» AQ, «Tematek» JShS, «Aqsaıgazsservıs» AQ jáne basqalary bar.
Sýretti túsirgen Aleksandr KÝPRIENKO
Batys Qazaqstan
