Otyrysqa qatysýshylar kóptegen máseleni talqylady. Onyń ishinde, UOKQ-nyń qazirgi mindeti men UOK-ter úshin ózekti sanalatyn olımpıada álemindegi mańyzdy oqıǵalar bar.
UOKQ atqarýshy komıtetiniń jıyny barysynda jarys kezinde sportshylardyń jeke demeýshisin jarnamalaýǵa tyıym salatyn Halyqaralyq Olımpıadalyq komıtettiń (HOK) Olımpıadalyq hartııasynyń 40-erejesi talqylandy. Atqarýshy komıtet atalǵan suraqqa qatysty túsinikteme berip, erejeniń ózgeriske ushyramaıtynyn jáne tek qana Olımpıada oıyndaryna qatysty ekenin eskertti. Sonymen qatar, Olımpıadadan tys ýaqytta sportshylar marketıngtik kelisim-sharttaryn paıdalana alady, buǵan HOK-tyń qandaı da bir qatysy joq.
Bokstyń Olımpıada oıyndaryndaǵy taǵdyry da talqylaýdan tys qalmady. Belgili bolǵandaı, Halyqaralyq Olımpıadalyq komıtetiniń Atqarýshy komıteti maýsym aıynda Lozannada ótetin HOK sessııasy kezinde Halyqaralyq áýesqoı boks qaýymdastyǵyn (AIVA) tanýdy ýaqytsha toqtatý týraly usynys jasady. UOKQ atqarýshy komıtetiniń otyrysynda atalǵan oqıǵa bokstan ulttyq federasııalar men ár eldegi UOK-terge keri áserin tıgizbeıtinine basa nazar aýdaryldy. Ulttyq federasııalar qurlyqtyq jarystarǵa qatysýdy toqtatpaıdy, alaıda, Olımpıada oıyndaryna qatysty jaǵdaılar, ásirese, 2020 jylǵy Tokıo Olımpıadasyna irikteý syny men olımpıadalyq týrnır tek qana UOK-ter ótinimi boıynsha ótkiziledi.
UOKQ atqarýshy komıtetiniń kelesi otyrysy men Bas Assambleıasynyń jıyny bıyl kúzde Búkilálemdik jaǵajaı oıyndary kezinde uıymdastyrylady dep kútilýde.
